Tushimpi 10:27 - Baibo Busansulushi Bwa Libuku Ili

²⁷ Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.

Tushimpi 10:27 ပူးပေါင်းရင်းမြစ်များ

Kulumbaisha 21:4

Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Kulumbaisha 91:16

Ndaakubapulusha akubapa buumi bulaamfu, ndaakubatondesha lupulusho lwangu.

Kulumbaisha 92:15

Ici cilatondesha ayi Mwaami Lesa uliluleme, alimwi ayi taamu cibiibi mumwaandami wangu.

Tushimpi 14:27

Kuloonda Mwaami Lesa nkokantupu ka buumi ceebo kalo nkokakusha muntu mutoose twa lufu.

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Tushimpi 3:16

Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.

Tushimpi 3:2

Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.

Tushimpi 9:11

Nshiku shako shilaakufula kwiinda muli ndime ayalo myaaka ilaakunungwaako kubuumi bwako.

Shikushimikila 7:17

Uteendilishi kuba mucita shibi alimwi utabi muluya. Ceebonshi utooyanda kufwa ciindi cako kacitana kukwana?

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Dutolonomi 11:9

Mulaakwikala ciindi cilaamfu mucishi muli bubile abulongo bubotu ico Mwaami Lesa ncaakashomesha kupa bamashali banu bakulukulu abamulunyungu lwabo.