Tushimpi 10:25 - Baibo Busansulushi Bwa Libuku Ili

²⁵ Cipuupu ndicisa cilatolelesha abamucita shibi, sombi baluleme balacaala mobakeemikanina.

Tushimpi 10:25 ပူးပေါင်းရင်းမြစ်များ

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Jobo 20:8

Ulaakushiminganabo bweenka mbuli ciloto Ee, kushiminganabo bweenka mbuli cili anga nciloto ca mashiku. Ulaakushimingana cakutabonwaawo tubili.

Jobo 21:18

Ngamankanda ongaye ndibapepelushikwa kumuuwo anga mbwiisu? Ee, ngamankanda ongaye ndibaba anga mbuungu buya acipuupu cinene?

Kulumbaisha 125:1

Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulumbaisha 58:10

Baluleme balaakusangalala na bakabone bamucita shibi kababooshelwa cishole. Balaakukondwa kukubula mubulowa bwa bamucita shibi amyeendo yabo.

Kulumbaisha 58:9

Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.

Tushimpi 1:27

Nkokwaamba ayi shilensha boowa shaakumupolela anga ncipuupu, ee, mapensho aakumupyanga anga nkapupuulwa, ncakwiila mwaakulimbwa mapensho amakatasho.

Tushimpi 10:30

Baluleme teshi bakakushikweemo mucishi, sobwe, sombi bamucita shibi balaakukushikwaamo.

Tushimpi 12:3

Muntu taakoonshi kwiimikana cakushimpa mububi, sombi muntu ululeme ncakwiila uleemikana cakushimpa.

Tushimpi 12:7

Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.

Isaya 40:24

Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

1 Timoti 6:19

Mukucita boobo, balaakulibunjikila bubile ubo bweshi bukabe anga ndwiimbi luyumu lwa kuciindi citoosa. Lyalo balaakulicanina buumi, ee buumi bwancinencine.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”