Tushimpi 10:21 - Baibo Busansulushi Bwa Libuku Ili

²¹ Maswi a muntu ululeme alacafwa bantu baanji, sombi baluya balafwa ceebo cakubula maano.

Tushimpi 10:21 ပူးပေါင်းရင်းမြစ်များ

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Kulumbaisha 37:30

Mubandi wa muntu ululeme ngwa busongo alimwi lyoonse taaku ngwaanyengelela.

Tushimpi 1:29

Mwakalinga kusuula lushibo lyoonse alimwi akukaka kuloonda Mwaami Lesa.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Tushimpi 10:11

Maswi a muntu ululeme nkantupu ka buumi, sombi maswi a mucita shibi alashisa mibo yakwe ya lunkutwe.

Tushimpi 12:18

Maswi abiibi alayasa kumoyo anga ngumupeeni, sombi maswi aamba musongo alashilika.

Tushimpi 15:4

Mulaka waamba maswi ashilika uli anga ncisamu cipa buumi, sombi mulaka waamba shabubeshi, ulacisisha moyo.

Tushimpi 15:7

Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.

Tushimpi 17:16

Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.

Tushimpi 5:12

Lyalo mulaakwaamba ayi, “Anu ndakakakilanshi kwaambilwa? Nciinshi nceentakwe kusuminina kululikwa?

Tushimpi 5:2

Lyalo ulaakwishiba kulilemeka, alimwi maswi ako alaakunootondesha ayi ulicite lushibo.

Tushimpi 5:23

Ulafwa ceebo cakukaka kululamikwa akuya kucuumbwe ceebo ca buluya bwakwe butalifulili.

Tushimpi 6:32

Ono muntu ucita bulale taacitewo maano mukwiinga uyo ulalinyonyoolabo mwiine.

Shikushimikila 12:11

Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Jelemiya 3:15

Lyalo ndaakumupa bamatanjilili bapa moyo wangu abo beshi bakanoomweendelesha cabusongo alimwi amaano akunyumfwisha shintu.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Mateyo 12:35

Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.