Tushimpi 1:4 - Baibo Busansulushi Bwa Libuku Ili

⁴ Tulapa maano bantu bataaku mbobabete, akupa bacikula bwangu lushibo lwakucita shintu sheelete.

Tushimpi 1:4 ပူးပေါင်းရင်းမြစ်များ

Kulumbaisha 116:6

Mwaami Lesa uleemikanina balibombya, wakampulusha ndindakalinga mumapensho anene.

Kulumbaisha 119:130

Kupandulula maswi anu kulapa mumuni, kulapa busongo kuli baabo batabucite.

Kulumbaisha 119:9

Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.

Kulumbaisha 19:7

Milawo ya Mwaami Lesa teecite kampenda, ilalengesha muntu kuba abuumi bupya. Shakaamba Mwaami Lesa shilashomekwa, shilalengesha batacite busongo kubaabo.

Kulumbaisha 34:11

Amwise nobeensuma nomucikula mukutike, ntoomwiisha kuloonda Mwaami Lesa.

Tushimpi 3:21

Omwanaangu kakatila kubusongo amaano akunyumfwisha shintu, utashisuminishi kwaamba ayi shikushiiye.

Tushimpi 8:12

Nebo ndekala pantu pomwi atulango. Ndime ncite lushibo alimwi ndime nshiba sheelete.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Tushimpi 8:32

“Ono nobana bangu, amunkutike, balicite coolwe abo bakonkela nshila shangu.

Tushimpi 8:5

Mwebo nobaluya, amube atulango, ee, amube amaano akunyumfwisha shintu.

Shikushimikila 11:9

Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

2 Timoti 2:22

Ucileeke lunkumbwa lwa mubili lwa bwanike, ukonkelebo bululami, lushomo, lusuno aluumuno pantu pomwi abaabo basenga lucafwo kuMwaami Lesa amoyo utacite kampenda.

Taitasi 2:6

Mbweeke ubo abalo basankwa bacanike kobayuminisha kuba bantu balitibuka.