Tushimpi 1:22 - Baibo Busansulushi Bwa Libuku Ili

²² Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 1:22 ပူးပေါင်းရင်းမြစ်များ

Jobo 34:7

“Ngani wakabonawo kale muntu uli anga nguJobo? Ncakwiila Jobo taalemeki Lesa napaceyi.

Kulumbaisha 1:1

Ulicite coolwe muntu uyo uteendi munshila shibiibi sha beshikubisha, utakonkeli shicita bamucita shibi abo, alimwi utasenkani abaabo baweluluka shakwe Lesa.

Kulumbaisha 94:8

Amunyumfwe mwebo nomutacite maano nomuli pakati ka bantu bangu. Mwebo nobaluya, anu mulaakuba lili basongo?

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Kulonga 16:28

Lyalo Mwaami Lesa wakaambila Mose ayi, “Ino mwebo nobantu mutootola ciindi cilaamfu buyani kamukaka kukonkela milawo amilasho yangu?

Tushimpi 1:21

Butokoolobesha pamampambaanwa a mikwakwa alimwi apaminjililo ya ndabala.

Tushimpi 1:29

Mwakalinga kusuula lushibo lyoonse alimwi akukaka kuloonda Mwaami Lesa.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Tushimpi 1:4

Tulapa maano bantu bataaku mbobabete, akupa bacikula bwangu lushibo lwakucita shintu sheelete.

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Tushimpi 14:6

Shikucelebula ulalangoola busongo cakutabucanaawo, sombi bantu bacite maano akunyumfwisha shintu, balafwambaana kuba alushibo.

Tushimpi 15:12

Shikucelebula taasuniiwo kululikwa, alimwi teepushiiwo kumusongo ayi amupandeko maano.

Tushimpi 19:29

Milandu ilalindila beshikucelebula akwalo kuumwa kumisana nkwa baluya.

Tushimpi 21:11

Na shikucelebula wapekwa mulandu, baluya balacenjelelaawo. Na musongo wapekwa milasho, ulaba alushibo.

Tushimpi 21:24

Muntu shikulisumpula alimwi ulyuuma mucaamba wiitwa ayi, “Shikucelebula,” ngumuntu ucita shintu shakulisumpula lyoonsebo.

Tushimpi 22:3

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Tushimpi 3:34

Ncakwiila ulaweluluka bantu balisumpula, sombi ulapa luse kubaabo baliceesha.

Tushimpi 5:12

Lyalo mulaakwaamba ayi, “Anu ndakakakilanshi kwaambilwa? Nciinshi nceentakwe kusuminina kululikwa?

Tushimpi 6:9

Webo omutolo, nciindi cilaamfu buyani koolete? Anu utoobuka lili kuswa mutulo twako?

Tushimpi 7:7

Mpeeke ndakabona basankwa baanji bataaku ncebeshi, sombi ndakalabilila cikula bwangu womwi utacite maano.

Tushimpi 8:5

Mwebo nobaluya, amube atulango, ee, amube amaano akunyumfwisha shintu.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Shakubelenga 14:27

“Ino bamucita shibi aba batootola ciindi cilaamfu buyani kabacitongooka? Matongooshi aya andemya kwaanyumfwa!

Mateyo 17:17

Lyalo Jesu wakabakumbula ayi, “Mwebo nobantu nomutacite lushomo, nobeshicimpamya, anu nkalaanu ciindi cilaamfu buyani? Anu nindilile ciindi cilaamfu buyani kwaamba ayi mushome? Amumulete kokuno!”

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Luka 19:42

Wakaamba ayi, “Awebo naakwiinga kooshi sheesho shintu sheenga shakuletela luumuno. Sombi mukubula coolwe shakashisikwa kuli ndiwe.

Joni 3:20

Kulilabo muntu ucita shibiibi ulipatite mumuni. Teesi kumumuni kuloonda kwaamba ayi micito yakwe inga yabonekela patuba.

2 Pita 3:3

Cinene ncemweelete kwishiba ncakwaamba ayi munshiku shino shakweelaako, kulaakwisa bantu beshikumuseka abo beendeleshekwa alunkumbwa lwa mibili yabo.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.