Taitasi 2:8 - Baibo Busansulushi Bwa Libuku Ili

⁸ Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.

Taitasi 2:8 ပူးပေါင်းရင်းမြစ်များ

Neyemiya 5:9

Mpomunyaawo ndakatolelela akwaamba ayi, “Ncemutoocita ncibiibi. Sa tamweelete kuloonda Lesa wesu akucita shiluleme kwaamba ayi mutakacoboolwi kubaswamashi bakunsengwe balwani besu?

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Maako 12:17

Lyalo Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.” Mpeeke bakakankamana ndibakanyumfwa kukumbula kwakwe.

Maako 12:28

Mufundishi wa Milawo umwi wakalingaawo ndibakalinga kupikishanya pamakani aya. Ndyaakanyumfwa ayi Jesu wakumbula kabotu baSaduki, alakwe wakasena pafwaafwi akwiipusha Jesu ayi, “Ino ngumulawonshi unene pamilawo yoonse?”

Maako 12:32

Mpomunyaawo mufundishi wa Milawo uyo wakaambila Jesu ayi, “Ncakwiila mwakumbula kabotu noBafundishi. Mwakumbula calushinisho ndimwaamba ayi Lesa ulibo womwi, taaku Lesa aumwi, sombi nguwe eenkabo.

Maako 12:34

Jesu ndyaakabona ayi wakumbula camaano, wakaambila mufundishi wa Milawo ayi, “Webo toobete kulaale aBweene bwakwe Lesa.” Lyalo kuswawaawo, boonse bakalinga kuloonda kumwiipusha.

Luka 13:17

Jesu ndyaakaamba boobo balwani bakwe bakanyumfwa nsoni, sombi bantu boonse kabasangalete pashintu shoonse shibotu shikankamika nshaakacita.

2 Bene Tesalonika 3:14

Na umwi akake kucita mbotwaamba munkalata njetwatuma iyi, mumulabilile akumusoonoka kwaamba ayi akanyumfwe nsoni.

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

Taitasi 3:14

Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 2:15

Mukwiinga nkuyanda kwakwe Lesa ayi kwiinda mukucita shiluleme muumushe kwaamba kwa baluya kwakubula lushibo.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.