Taitasi 2:10 - Baibo Busansulushi Bwa Libuku Ili

¹⁰ nabi kubeepila shintu. Sombi balyeelete kutondesha ayi balashomeka kwaamba ayi balemeke maswi akwe Lesa Mupulushi wesu mushintu shoonse.

Taitasi 2:10 ပူးပေါင်းရင်းမြစ်များ

Kulumbaisha 101:6

Sombi ndaakusuminisha bantu bashomeka mucishi, alimwi ndaakumusuminisha kwikala anebo. Uyo weenda cakubula kampenda ngweshi akansebensele.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Luka 1:47

Ndisangalete abuumbi ceebo cakwe Lesa Mupulushi wangu

Luka 1:80

Lyalo mwaana uyo Joni wakakula akushimpa mumushimu. Wakekala muluyanga kushikila bushiku ubo mbwaakalitondesha patuba kubantu ba muIsilaeli.

Luka 16:10

Uyo woonse ushomeka pacintu ciniini, ulaakushomeka apacintu cinene. Alakwe uyo utashomeki pacintu ciniini, teshi akashomeke apacintu cinene.

Joni 12:6

Taakwe kwaamba boobo ceebo cakunyumfwila nkumbu bakandu, sombi mukwiinga wakalinga mwiipi. Judasi ngowakalinga kusunga coola ca maali, aboobo wakalinga kwiipaamo kaasebensesha mwiine.

1 Bene Kolinto 4:2

Ono ciyandikabo kubakapekwa mulimo uyu nkwaamba ayi bashomeke kumwaami wabo.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

1 Timoti 5:17

Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

1 Timoti 6:1

Basha boonse balyeelete kupa bulemu bamaami babo kwaamba ayi bantu batacoboli liina lyakwe Lesa anshetwiisha.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

Taitasi 1:3

Mpeeke paciindi ceelete wakayubulula kushomesha uko mumakani akwe. Makani ayo wakaabika mumaansaangu, aboobo ndaashimikila kweelana aLesa Mupulushi wesu mbwaakandwiita.

Taitasi 3:4

Sombi nkumbu alusuno lwakwe Lesa Mupulushi wesu ndishakayubululwa,

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.

2 Joni 1:9

Uyo woonse utakonkeli kwiisha kwakwe Klistu, sombi kaailikawo shimwi shiteelete, taacite Lesa. Uyo woonse ukonkela kwiisha uko, ulicite Ishi alimwi aMwanaakwe.

1 Samwelo 22:14

Aimeleki pakumukumbula wakeepusha ayi, “Ngani pakati ka basebenshi banu umunyumfwila mbuli Defedi mukwe wa kubwalo? Sa te ngumutanjilili wa bashilumamba bamulindilila, ulemekwa kubamuŋanda yanu yoonse?

1 Samwelo 26:23

Mwaami Lesa ulalambula muntu kweelana abululami bwakwe alimwi akushomeka kwakwe. Mwaami Lesa walinga wamwaaba mumaansaangu ayi mucaaye. Ono ndaloonda kucisa mwaami uyo Mwaami Lesa ngwaakasala kwiinda mukunanikwa mafuta.