Taitasi 1:5 - Baibo Busansulushi Bwa Libuku Ili

⁵ Ncendakakushiila kuKileti nkwaamba ayi ululike shoonse shakalinga kuyandika kubamba akubika bamatanjilili ba shoonde mumandabala oonse kweelana ambondakakulwiita.

Taitasi 1:5 ပူးပေါင်းရင်းမြစ်များ

1 Makani 6:32

Bakalinga kucite mulimo wakwiimba muTente ya Cipangano Mwaami Solomoni kaatana kuyaka Ŋanda yakwe Lesa muJelusalemu. Bakalinga kucita mulimo uyo kweelana amilawo njebakapekwa.

Shikushimikila 12:9

Shikushimikila uyu wakalinga musongo, wakeeisha bantu shintu shiinji. Wakayeeya akuyandoola alimwi akulemba tushimpi tuunji.

Isaya 44:7

Ino ono ngani uli mbuli ndime? Aalyaambe tunyumfwe. Aanyamuke aambilishe kunembo lyangu shacitika kuswa kuciindi ca bantu bangu bakulukulu asheesho sheshi shikacitike kunembo litoosa. Ee, aambe ceeco ceshi cikacitike kunembo.

Bene Lefi 14:42

Lyalo mabwe amwi alyeelete kusebenseshekwa pamusena wa aayo akaswaako alimwi akusebensesha bulongo bumwi bwakushingusha lubumbu.

Milimo ya Batumwi 11:30

Ndibakamana kubunganya shipo shabo, bakapa Banabasi aSaulo ayi batole kubamatanjilili ba mucoonde ca kuJelusalemu.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 2:11

bamwi mbaJuda abaswamashi bakunsengwe bakonkela kwiisha kwa baJuda alimwi swebo sobamwi tulaswa kuKileti akuAlebya. Nakubi boobo soonse tutoonyumfwa kabaamba mishobo yesu shashintu shinene isho Lesa nshaakacita!”

Milimo ya Batumwi 27:12

Cito ico tecakalinga cibotu kwikalaawo ciindi ca mupewo. Aboobo bantu baanji mulikoto lyabo bakayeeya kuswa pacito ico akuya kunembo ayi mpashi inga bashika kucito ca Fonikisi akwikala nkuko ciindi ico. Cito ici cili muKileti, cilangite kumbo lya kumalenge alimwi akumbo lya kumatwa.

Milimo ya Batumwi 27:13

Mpomunyaawo muuwo wakatalika kupuupa paniininiini kuswa kumalenge. Aboobo basankwa abo bakayeeya ayi batolelele amuyeeyo wabo. Lyalo bakaangulula bwaato bunene akutalika kweendela mweela nsumbu ya Kileti.

Milimo ya Batumwi 27:21

Basankwa ndibakeensha ciindi cilaamfu kwakubula cakulya, Paulo wakeemikana pakati kabo akwaamba ayi, “Nobeensuma, nemwakanyumfwa maswi ngondakaamba akutaswa kuKileti, naakwiinga tatukwe kunyonyookelwa akusowekelwa bobulya.

Milimo ya Batumwi 27:7

Ono ceebo ca cipuupu cakalingaako, twakalinga kuyabo paniininiini, aboobo twakatola nshiku shiinji kushikila twashika pafwaafwi andabala ya Sinidasi. Ono mukwiinga cipuupu cakeendilila, twakeenda kulubasu nkotwakashitilishikwa ansuumbu ya Kileti, iyo ilangene aSalimoni.

1 Bene Kolinto 11:34

Alimwi na umwi ulifwite nsala ulyeelete kulita limwi kuŋanda kwaamba ayi mutakalileteli bukali bwakwe Lesa ceebo cakubungana kwanu. Ono shimwi shikani ndaakushibamba ndaakwisa.

1 Bene Kolinto 14:40

Shintu shoonse shilyeelete kucitwa munshila ibotu alimwi mumulawo.

1 Bene Kolinto 4:17

Paceebo ceeco ntoomutumina Timoti, uli anga ngumwanaangu musankwa ngoonsunishi alimwi uyo ushomeka muMwaami Lesa. Ulaakumwiibalusha shabwikaalo bwangu muli Klistu Jesu ubo bweendelana ansheenjiisha kuli koonse mushoonde shoonse.

Bene Kolose 2:5

Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.

1 Timoti 1:3

Ono bweenka mbondakakulwiitilishawo kale ndindakaya kuMakedoniya, kala umo muEfeso kwaamba ayi unookasha basankwa abo batokwiisha shakubeca.

2 Timoti 2:2

Maswi oonse ngowakanyumfwa kuswa kuli ndime pameenso a bakamboni baanji, ukaabike mumaansa a bantu bashomeka kwaamba ayi abalo bakeeisheko bamwi.

Taitasi 1:12

Umwi mulaluki wabo beene wakaamba ayi, “Lyoonsebo bene Kileti mbabeshi, mbabiibi anga mbanyama, mbalyabi alimwi mbatolo.”