Taitasi 1:10 - Baibo Busansulushi Bwa Libuku Ili

¹⁰ Ceebo mbaanji baashu abo beshikwaambabo akubeca bantu, bunene bunene abo bamulikoto lya baabo beshikupalulwa.

Taitasi 1:10 ပူးပေါင်းရင်းမြစ်များ

Mateyo 23:14

Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Mulabwesa buboni bwa bamukalubinje banakashi akubeca kupaila mipailo ilaamfu. Paceebo ceeco, Lesa ulaakumoombolosha cankusu.]

Milimo ya Batumwi 11:2

Ono Pita ndyaakaboola kuJelusalemu, abo bakalinga kusuni ayi abalo baswamashi bakunsengwe banoopalulwa, bakatalika kutongooka. Bakaamba ayi,

Milimo ya Batumwi 15:1

Basankwa bamwi bakaswa kucishi ca Judeya, bakesa kuAntyoki akutalika kwiisha bashomi ayi, “Na mwabuula kupalulwa kweelana abwaamba Milawo yakwe Mose, Lesa teshi akamupulusheewo.”

Milimo ya Batumwi 15:24

Twakanyumfwa ayi bamwi bakaswa mulikoto lyesu bakesa mukumupensha akumufulunganya pamakani ngobakaamba kuli ndimwe. Aba bantu tabakwe kupekwa nkusu kuswa kuli ndiswe.

Milimo ya Batumwi 20:29

Ndishi kwaamba ayi na nkasweewo palikoto lyanu, baumpe bakali balaakwisa pakati kanu alimwi teshi bakalekewo bamucoonde aba.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

1 Timoti 1:4

Ubalwiite batanoobika maano kutushimi ameena a bamashali bakulukulu ateeli. Ishi shilaletabo kupikishanya kwiinda kusumpula mulimo wakwe Lesa uyo ucitika kwiinda mulushomo.

1 Timoti 1:6

Bamwi bakaswa kushintu ishi akukonkela mibandi itacite ncito.

1 Timoti 1:9

Peculu lya waawo tulishi kwaamba ayi Milawo taikwe kupangilwa baluleme, sombi abo beshikwiisotoka abatanyumfwili, batasuni shabuLesa abamucita shibi, batasalalite alimwi batapaili. Nja bantu abo bacaya bamaishiwabo nabi bamanyinawabo, bacayi,

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

2 Timoti 4:4

Balaakufutata kwaamba ayi batanyumfwi shalushinisho akukonkela tulabi.

Taitasi 1:6

Mutanjilili ulyeelete kuba muntu utacite kampenda, weebetebo mwanakashi womwi alimwi bana bakwe balyeelete kuba bashomi kuteshi bacite mpuwo yakucita shintu shibiibi nabi kutanyumfwa.

Jemusi 1:26

Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 2:4

Uyo waamba ayi Lesa ndimwishi, sombi kaatakonkeli milawo yakwe, ngumubeshi alimwi lushinisho talubete muli nguwe.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Ciyubululo 2:6

Sombi bubotu bwako mbwakwaamba ayi ulipatite micito ya bene Nikolayi, bweenka mboonjipatite anebo.’