Shakubelenga 9:6 - Baibo Busansulushi Bwa Libuku Ili

⁶ Sombi pakalinga basankwa bamwi abo batakalinga kusalalite kweelana aMilawo ceebo bakakumya mutuntu, aboobo tabakwe kukonsha kulama bushiku bwa Pasika pabushiku ubo. Mpeeke bakaya kuli Mose aAloni

Shakubelenga 9:6 ပူးပေါင်းရင်းမြစ်များ

Kulonga 18:15

Mose wakamukumbula ayi, “Ndyeelete kucita bobulya mukwiinga bantu balesa kuli ndime ayi beshibe kuyanda kwakwe Lesa.

Kulonga 18:19

Ono nyumfwa nkulwiiteko mboweelete kucita, kwaamba ayi Lesa akucafweeko. Ncibotu ayi webo ubebo shikwiimikaninako bantu kuli Lesa alimwi akuleta matongooshi abo kuli nguwe.

Kulonga 18:26

Balo bakalingabo boomboloshi ba bantu lyoonse, kunootola milandu iyumu kuli Mose sombi kaboombolosha milandu iniini beene.

Bene Lefi 21:11

Teelete kwinjila mumusena muli mutuntu. Teelete kulilengesha ayi abule kunoosalalite kweelana aMilawo kwiinda mukucanika nabibo pacililo ca baishi nabi banyina,

Shakubelenga 15:33

Mpeeke abo bakamucana kaatepa nkuni, bakamutola kuli Mose, Aloni alimwi akubene Isilaeli boonse.

Shakubelenga 19:11

“Uyo woonse weenga wakumya mutuntu teshi akanoosalalite kweelana aMilawo kwanshiku shosanwe ashobilo.

Shakubelenga 19:14

“Ono na muntu umwi wafwita mumusumba, uyo woonse weenga kaali mumo paciindi calufu nabi wooyo weenga wenjilaamo, teshi akanoosalalite kwanshiku shosanwe ashobilo.

Shakubelenga 19:16

Na umwi pansengwe lya misumba, wakumya muntu wakacaikwa amupeeni, wakafwabo, cifuwa ca muntu nabi cuumbwe, alakwe teshi akanoosalalite kwanshiku shosanwe ashobilo.

Shakubelenga 19:18

Cakutaanguna muntu usalalite kweelana aMilawo ulyeelete kubwesa fuute akuusumpa mumaanshi ayo akusanseela kumusumba akushintu shiliimo shoonse alimwi akubantu bakalingaamo. Kuboolaawo umwi usalalite kweelana aMilawo ulyeelete kusanseela maanshi ayo pamuntu uyo wakakumya cifuwa ca muntu, mutuntu nabi cuumbwe.

Shakubelenga 27:2

Bakaya mukwiimikana kunembo lyakwe Mose, Eliyasa mupailishi, bamatanjilili alimwi abene Isilaeli boonse pamulyango wa Tente ya Cipangano akwaamba ayi,

Shakubelenga 27:5

Mpomunyaawo Mose wakatola litongooshi lyabo kuMwaami Lesa

Shakubelenga 5:2

“Lwiita bene Isilaeli ayi bakushe mumisumba muntu uli woonse ucite bulwashi bwa manata, utooswa mashina amushobo uli woonse mumubili alimwi awooyo woonse utasalalite kweelana aMilawo ceebo cakukumya mutuntu.

Shakubelenga 9:7

mukwaamba ayi, “Swebo tatusalalite ceebo twakumya mutuntu, sombi inga twakashikwa buyani kubenga mulambu kuMwaami Lesa pantu pomwi abene Isilaeli bamwi boonse?”

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.