Shakubelenga 9:15 - Baibo Busansulushi Bwa Libuku Ili

¹⁵ Ono pabushiku Tente ya Cipangano ndiyakayakwa, likumbi lyakesa akwiifwekelesha. Kuswa macolesha kushikila amacuunsa, likumbi lyakalinga peculu lya Tente lyakalinga kuboneka anga ngumulilo.

Shakubelenga 9:15 ပူးပေါင်းရင်းမြစ်များ

Neyemiya 9:12

Malumwi mwakalinga kubatanjilila alikumbi, mashiku mwakalinga kubamunikila munshila amulilo.

Neyemiya 9:19

Sombi tamukwe kubafutatila muluyanga umo ceebo nkumbu shanu shilakankamika abuumbi. Likumbi talikwe kucileka kubatanjilila munshila yabo malumwi nabi mulilo mashiku kucileka kumunikila nshila njebeelete kutola.

Kulumbaisha 105:39

Mwaami Lesa wakabika likumbi kwaamba ayi lifwekelele bantu bakwe. Wakabika mulilo kwaamba ayi unoobamunikila mashiku.

Kulumbaisha 78:14

Malumwi wakalinga kubatanjilila alikumbi, mashiku wakabatanjilila amumuni wa mulilo.

Kulonga 13:21

Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku.

Kulonga 13:22

Licincilo lya likumbi lyakalingabo kunembo lya bantu lyoonse ciindi ca malumwi, alyalo licincilo lya mulilo lyakalinga kunembo ciindi ca mashiku.

Kulonga 14:24

Ingayi macuunsacuunsa, Mwaami Lesa wakalanga pabashilumamba bene Ijipiti kuswa mulicincilo lya mulilo alikumbi, abafulunganya.

Kulonga 40:2

“Pabushiku butaanshi mumweenshi wakutaanguna, ukayake Tente ya Cipangano.

Kulonga 40:34

Mpeeke likumbi lyakafwekelesha Tente ya Cipangano akwiisusha bulemu bwa Mwaami Lesa.

Kulonga 40:35

Paceebo ceeci Mose wakaalilwa kwinjila muTente ya Cipangano mukwiinga likumbi lyakaselukila peenka apo paTente akwiisusha abulemu bwa Mwaami Lesa.

Kulonga 40:38

Likumbi lya bulemu bwa Mwaami Lesa lyakalinga kuba paTente ya Cipangano malumwi, alimwi bakalinga kubona mulilo mulikumbi ciindi ca mashiku mulweendo lwabo loonse.

Isaya 4:5

Mpeeke Mwaami Lesa ulaakutuma paKalundu ka Siyoni koonse apabantu baliimo likumbi lya bwiishi malumwi acibalankuni ca mulilo mashiku. Peculu lya ndabala yoonse palaakuba bulemu bwa Mwaami Lesa.

Shakubelenga 10:34

Ndibakalinga kuya bweenda kuswa pamisumba womwi awomwi, likumbi lya Mwaami Lesa lyakalinga kweendelabo peculu lyabo ciindi ca malumwi.

Shakubelenga 14:14

balaakulwiita bantu bekala mucishi ici. Bantu aba banyumfwa kale ayi mwebo noBaami baLesa, muli aswebo. Mulaboneka patuba na likumbi lyanu lyeemikana peculu lyesu, alimwi ayi mulatutanjilila mulicincilo lya likumbi ciindi ca malumwi, amulicincilo lya mulilo ciindi ca mashiku.

Shakubelenga 17:7

Kuswawaawo, Mose wakabika nkoli shoonse muTente, kunembo lya Libokoshi lya Cipangano ca Mwaami Lesa.

1 Bene Kolinto 10:1

Nobamakwesu ndisuni kwaamba ayi mwiibaluke shakacitikila bamashali besu bakulukulu. Boonse bakafunwa alikumbi alimwi boonse bakasubuka Lweenge Lusalala.

Dutolonomi 1:33

Wakamutanjilila mulweendo lwanu mulicincilo lya mulilo mashiku alimwi mulicincilo malumwi. Wakalinga kumuyandweeta misena yakuyakawo misumba akumutondesha nshila njemweelete kwiinda.