Shakubelenga 8:7 - Baibo Busansulushi Bwa Libuku Ili

⁷ Mukucita boobo, ubasanseele maanshi asalasha akubalwiita ayi bakulule pamibili yabo yoonse alimwi bacape shakufwala shabo. Lyalo ndyeshi banoosalalite kweelana aMilawo.

Shakubelenga 8:7 ပူးပေါင်းရင်းမြစ်များ

Matalikilo 35:2

Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Lefi 15:27

Uyo woonse weenga washikumya taasalalite alimwi ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Bene Lefi 15:6

Uyo woonse wekala pacintu nceenga musankwa uyo weekalaawo, ulyeelete kucapa shakufwala nsheenga kaafwete akusamba, nakubi boobo teshi akanoosalalite kushikila macolesha.

Bene Lefi 16:28

Alakwe uyo weshi akanooshitenta ulyeelete kucapa shakufwala nsheenga kaafwete alimwi akusamba kaatana kuboola kumisumba.

Bene Lefi 8:6

Mpeeke Mose wakaleta Aloni alimwi abana bakwe basankwa, akubalwiita ayi basambe amaanshi.

Shakubelenga 19:13

Uyo woonse weenga wakumya kumutuntu akubula kulisalasha, ulaba kaatasalalite mukwiinga maanshi akusalasha taakwe kusanseelwa pali nguwe. Muntu uyo ulabisha Tente ya Cipangano yangu neMwaami Lesa, aboobo teshi akanoociyeeyelwa kuba mulikoto lya bene Isilaeli.

Shakubelenga 31:20

Mulyeelete kusalasha acakufwala cili coonse alimwi acintu cili coonse cakapangwa kucipaya, booya bwa mpongo nabi cisamu.”

Shakubelenga 8:21

Bene Lefi bakalisalasha akucapa shakufwala shabo, alakwe Aloni wakababenga kuMwaami Lesa ayi ncipo cakutambeeka. Alimwi wakabacitila ashoonse shiyandika kweelana amulawo wakusalasha.

Bene Ebulu 9:10

Mukwiinga shilaambabo pashakulya, shakunwa alimwi anshila shakulisalashilaamo shipusenepusene. Yoonse iyi njimilawobo itakumite kumoyo wa muntu, itoosebensa kushikila Lesa ndyeshi akalenge shintu shoonse cipya.

Bene Ebulu 9:13

Bulowa bwa mpongo, bwa bacende alimwi amilota ya moombe shilasanseelwa pabantu batasalalite kweelana aMilawo. Ishi shilabasalasha kuswa kububi boonse kweelana aMilawo.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.