Shakubelenga 7:10 - Baibo Busansulushi Bwa Libuku Ili

¹⁰ Bamatanjilili bakaleta ashipo shakusebensesha pakusekelela kubengwa kwa cipaililo akushipa kunembo lya cipaililo,

Shakubelenga 7:10 ပူးပေါင်းရင်းမြစ်များ

1 Baami 8:63

Wakabenga milambu ya ŋombe shili 22,000 ambelele shili 120,000 ayi njimilambu ya bwanabwankashi. Munshila iyi mwaami abantu boonse bakabenga Ŋanda yakwe Lesa kuli nguwe.

2 Makani 7:5

Mwaami Solomoni wakabenga ŋombe shili 22,000 ambelele shili 120,000 ayi njimilambu ya bwanabwankashi. Munshila iyo mwaami abantu boonse bakabenga Ŋanda yakwe Lesa.

2 Makani 7:9

Kusekelela kubengwa kwa cipaililo kwakatola nshiku shosanwe ashobilo kubikaawo akusekelela kwa Shimpaka uko kwakatola nshiku ashimwi shosanwe ashobilo. Pabushiku bwakweelaako, bakaba akusekelela kwakucala.

Neyemiya 12:27

Ono paciindi cakusalasha lubumbu lwa ndabala ya Jelusalemu, bene Lefi bakeetwa kuswa mumisena mobakalinga kwikala kwaamba ayi babeeko pakusekelela kusalasha uku akwiimba nyimbo shakulumba alimwi akulisha tusenke atulumbu tunene atuniini.

Neyemiya 12:43

Pabushiku ubu bakaleta milambu iinji, abantu bakasekelela cakusangalala ceebo Lesa wakabasangalasha abuumbi. Banakashi abaana abalo bakasekelela, aboobo ciyobeyobe cakusangalala kwabo muJelusalemu cakalinga kunyumfwikilabo kulaale.

Kulumbaisha 30:1

Ndamulumbaisha noBaami baLesa mukwiinga mwakampulusha, alimwi mwakakasha balwani bangu kusamwa ceebo ca ndime.

Shakubelenga 7:1

Pabushiku Mose mbwaakamanisha kuyaka Tente ya Cipangano, wakeenanika mafuta akwiibenga kuMwaami Lesa pantu pomwi ashintu sha njiyo shoonse, kubikaawo acipaililo ashintu sha ncico shoonse.

Shakubelenga 7:11

mukwiinga Mwaami Lesa wakaambila Mose ayi, “Bushiku bomwi bomwi bamatanjilili boonse bananooya womwi womwi mukupa shipo shabo shakusebensesha pakubengwa kwa cipaililo.”

Shakubelenga 7:84

Nkokwaamba ayi shipo shoonse shakaleta bamatanjilili bali likumi abobilo ayi nshakusebensesha pakubengwa kwa cipaililo shakakumana bobulya. —Mbale shifongomene sha silifa shili likumi ashobilo alimwi ambale shakusambilaamo sha silifa shili likumi ashobilo, pantu pomwi shoonse shakalinga kulema magilamu ali 27,600. —Mbale shifongomene sha golodi isho shakalinga kulema magilamu ali 1,320, isho shakalinga kuswite tununkila kabotu. —Bacende bali likumi abobilo, mbelele shisankwa likumi ashobilo, alimwi ambelele shili likumi ashobilo shicite mwaaka womwi ayi njimilambu yakutenta. —Mpongo shili likumi ashobilo ayi njimilambu yakulekelelwa shibiibi. —Bacende bali makumi obilo abone, mbelele shisankwa shili makumi osanwe alyomwi, mpongo shili makumi osanwe alyomwi, alimwi ambelele shicite mwaaka shili makumi osanwe alyomwi ayi njimilambu ya bwanabwankashi.

Dutolonomi 20:5

“Kuswawaawo, bamatanjilili balaakwaambila bashilumamba ayi, ‘Sa pano pali umwi wakaswabo mukuyaka ŋanda, sombi taana kwiibenga kuMwaami Lesa? Na mpwaali, aye kumushi mukwiinga na wacaikwa munkondo, ŋanda inga yabengwa amuntu umwi kuMwaami Lesa.