Shakubelenga 6:26 - Baibo Busansulushi Bwa Libuku Ili

²⁶ Mwaami Lesa amunyumfwile nkumbu akumupa luumuno.’”

Shakubelenga 6:26 ပူးပေါင်းရင်းမြစ်များ

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Kulumbaisha 37:37

Amuyeeye muntu utacite kampenda, ululeme. Muntu shiluumuno ulaakuba abamulunyungu bakwe.

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Kulumbaisha 42:5

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 89:15

Balicite coolwe abo bamulambila munyimbo. Balicite coolwe abo beenda mumumuni wa bulemu bwanu.

Isaya 26:12

“Ono swebo mulatupa luumuno noBaami baLesa ceebo ndimwe mutulengesha ayi tuswitilile mumilimo yoonse njetucita.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Joni 20:21

Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”

Joni 20:26

Ndipakeenda nsondo, bashikwiiya alimwi bakalinga kubungene muŋanda. Tomasi alakwe wakalingaamo. Shisasa shakalinga kucalitwe, sombi Jesu wakesa weemikana pakati kabo akwaamba ayi, “Luumuno lube amwebo!”

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Milimo ya Batumwi 2:28

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi.’

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Loma 15:33

Lesa upa luumuno abe amwebo noonse. Ameni.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Efeso 6:23

Lesa Ishiwesu alimwi aMwaami Jesu Klistu bape bashominyineesu boonse luumuno, lusuno alimwi alushomo.

Bene Filipi 4:7

Aboobo luumuno lwakwe Lesa ulo lwiinda pabusongo bwa bantu boonse, lulaakulama myoyo yanu alimwi amiyeeyo yanu muli Klistu Jesu.

2 Bene Tesalonika 3:16

Ono Mwaami shiluumuno amupe luumuno lyoonse amunshila shoonse. Mwaami abe amwebo noonse.