Shakubelenga 6:15 - Baibo Busansulushi Bwa Libuku Ili

¹⁵ Ulyeelete kubenga amutaanga wa cimaande, shimaande shakapangwa kufulaulo upelekete usenkene amafuta a olifi, shimaande shipampamene shakananikwa mafuta a olifi kwiilikaawo acipo ca fulaulo alimwi aca cakunwa.

Shakubelenga 6:15 ပူးပေါင်းရင်းမြစ်များ

Kulonga 29:2

Ukasebenseshe fulaulo ubotu abuumbi wa witi, sombi utacite cimena, akupanga shimaande shimwi shakusenkanya amafuta a olifi, shimwi shitakabi amafuta, ashalo shimwi shipampamene shinanikitwe mafuta.

Isaya 62:9

Sombi womwi awomwi ulaakulya nshaatebula mwiine akulumbaisha Mwaami Lesa. Ncakwiila abo beshi bakatebule minyansa beene mbweshi bakanwe waini weshi ukatyanweeko mulubansa lwa Ŋanda yangu isalalite.”

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:9

Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Bene Lefi 2:4

“Ono na cipo ca fulaulo ncimaande cakapangilwa mucitofu, taceelete kuba acimena. Inga shaba shinene shakapangwa kufulaulo wakusenkanya amafuta a olifi nabi tumaande tupampamene tunanikitwe amafuta a olifi.

Bene Lefi 7:12

Na muntu wabenga mulambu uyo ayi ube wakulumba Lesa, pamunyama uyo ngwaabenga ulyeelete kwiilikawo cipo ca shimaande. Shimaande ishi shilyeelete kuba shinene shakapangwa kufulaulo wakusenkanya amafuta a olifi, tumaande tupampamene tunanikitwe amafuta a olifi nabi shinkwa ubotu wamise wa fulaulo usenkene amafuta a olifi.

Bene Lefi 8:2

“Tola Aloni abana bakwe basankwa kumulyango wa Tente ya Cipangano. Ulete shakufwala shabo sha bupailishi, mafuta akunanika, mucende mwaana wa mulambu wakulekelelwa shibiibi, mbelele shisankwa shobilo alimwi amutaanga wa shimaande.

Bene Lefi 9:4

kubikaawo amucende alimwi ambelele isankwa ayi shibe mulambu wa bwanabwankashi. Balyeelete kushibenga kuMwaami Lesa pantu pomwi acipo ca fulaulo cisenkene amafuta. Balyeelete kucita shoonse isho ceebo Mwaami Lesa utoobonekela kuli mbabo sunu.”

Shakubelenga 15:10

Ulyeelete kubikaawo amalita 2 a waini ayi ncipo ca cakunwa. Bweema bwa mulambu uyu bulansangalasha nebo neMwaami Lesa.

Shakubelenga 6:16

“Mpeeke mupailishi ulaakuleta shintu shoonse ishi kuMwaami Lesa akubenga mulambu wakulekelelwa shibiibi alimwi amulambu wakutenta.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

1 Bene Kolinto 11:26

Ici cilaamba ayi lyoonse ndimulya cimaande akunwita munkomeshi iyi mulaambilisha lufu lwakwe Jesu kushikila akaboole.