Shakubelenga 4:33 - Baibo Busansulushi Bwa Libuku Ili

³³ Anu iyi njemilimo ya cipani cakwe melali muTente ya Cipangano. Balaakwiicita kwiinda mukutanjililwa aItama mwanaakwe Aloni mupailishi.”

Shakubelenga 4:33 ပူးပေါင်းရင်းမြစ်များ

Kulonga 38:21

Ono ngooyu mundando wa kulema kwa sheela shakalinga kusebenseshekwa muTente ya Cipangano, umo mwakalinga mabwe apampamene obilo apo pakalinga kulembetwe Milawo ili Likumi. Mose ngowakaamba ayi shoonse shilembwe mumundando uyo, bene Lefi mbobakashilemba ndibakalinga kusebenseshekwa aItama mwanaakwe Aloni mupailishi.

Isaya 3:6

Ncakwiila ciindi cilaakushikila ndyeshi bamumukowa womwi bakaambilane ayi, “Mwebo mukwaabo muliciteko shakufwala shibonekako kabotu, aboobo amube batanjilili besu muciindi ca mapensho cino.”

Shakubelenga 4:28

Anu iyi njemilimo ya cipani cakwe Geshoni muTente ya Cipangano. Balaakwiicita kwiinda mukutanjililwa aItama mwanaakwe Aloni mupailishi.”

Shakubelenga 4:32

Balaakunyamuna ashisamu, shapanshi sha bulonse, mpoopo, alimwi antaambo shakulushito lushingulukite Tente, kubikaawo ashintu shimwi shoonse shibikwaako pakwiiyaka. Muntu womwi awomwi ulaakupekwa mulimo ngweelete kucita.

Shakubelenga 4:34

Mpomunyaawo Mose, Aloni alimwi abamatanjilili ba bene Isilaeli bakabelenga bene Koati mushipani alimwi amumaandaabo.

Shakubelenga 7:8

Bene Melali abalo wakabapa shikoci shone alimwi abasune bosanwe abotatwe kweelana ashiyandika mumilimo yabo. Milimo yabo yoonse yakalinga kweelete kunoocitika kwiinda mukutanjililwa aItama mwanaakwe Aloni mupailishi.

Joshuwa 3:6

Lyalo Joshuwa wakalwiita bapailishi ayi, “Amunyamune Libokoshi lya Cipangano mutanjile kunembo lya bantu.” Abalo bakalinyamuna akutanjila kweelana ambwaakabaambila.