Shakubelenga 4:15 - Baibo Busansulushi Bwa Libuku Ili

¹⁵ “Ono na nciindi cakulonga, Aloni abana bakwe basankwa baakumanisha kufweka shintu shisalalite ashintu sha nshisho shoonse, cipani cakwe Koati cilaakwisa mukushinyamuna. Sombi cipani taceelete kucata shintu shisalalite ishi, mukwiinga na bashicata inga bafwa. Anu iyi njemilimo ya cipani cakwe Koati lyoonse na ciindi cakulonsha Tente ya Cipangano cashikila.

Shakubelenga 4:15 ပူးပေါင်းရင်းမြစ်များ

2 Samwelo 15:24

Alakwe Sadoki wakalingaawo abene Lefi boonse abo bakalinga kunyamwite Libokoshi lya Cipangano ca Mwaami Lesa. Mpeeke bakatula Libokoshi ilyo panshi kushikila bantu boonse bamana kuswa mundabala inene ya Jelusalemu. Alakwe Abyata wakalingaawo.

2 Samwelo 6:13

Bakalinga kuliyumwite ndibakeendakobo ntaamwa shosanwe ayomwi, Defedi wakabeemika akubenga mulambu wa mucende amoombe wiinite.

1 Baami 8:3

Bamatanjilili boonse ndibakabungana bapailishi bakanyamuna Libokoshi lya Cipangano

1 Makani 15:15

Bene Lefi bakanyamuna Libokoshi lya Cipangano ashisamu pashifushi shabo bweenka mbwaakaamba Mwaami Lesa kwiinda muli Mose.

1 Makani 15:2

Lyalo wakaamba ayi, “Bene Lefi beenkabo mbweshi banoonyamuna Libokoshi lya Cipangano mukwiinga Mwaami Lesa mbwaakasala ayi banoolinyamuna alimwi akunoomusebensela lyoonse alyoonse.”

1 Makani 23:26

Aboobo bene Lefi tabeelete kunoonyamuna Tente ya Cipangano ashintu shimwi shoonse shisebenseshekwa pakulambila Lesa.”

Kulonga 19:12

Ukatale mweshi bakeele bantu, kushingulusha kalundu koonse ayi batakasotoki, akubalwiita ayi taaku weelete kutanta pakalundu nabi kusena pafwaafwi. Uyo woonse weshi akalyate kukalundu, ulyeelete kucaikwa.

Kulonga 19:21

Pesule Mwaami Lesa wakamwaambila ayi, “Seluka ukacenjeshe bantu ayi batasotoki moomo mowakatala ayi bese mukumbona. Ceebo na bacite boobo, baanji batoomana kufwa.

Kulonga 27:7

Kuswawaawo pakunyamuna, ukashinjishe mushakukobekesha shoonse shone ayi shikabe kumbasu shobilo sha cipaililo.

Bene Lefi 16:13

Mweenka umo kunembo lyangu neMwaami Lesa, ulaakubika tununkila kabotu pamulilo, mpeeke bwiishi bwa tununkila kabotu bulaakushisa cifwekesho ca Libokoshi lya Cipangano kwaamba ayi atacibooni akufwa.

Shakubelenga 1:50

Sombi ukabape bunene bwa muTente yangu ya Cipangano ashintu sha njiyo shoonse. Balaakunooinyamuna pantu pomwi ashintu sha njiyo, kusebensela mumo alimwi akwiishingulusha misumba yabo.

Shakubelenga 1:51

Lyoonse pakulonsha Tente ya Cipangano, bene Lefi balyeelete kukulula Tente akuya mukwiiyaka pamusena umwi upya. Umwi uli woonse weenga wasena kufwaafwi aTente ulaakucaikwa.

Shakubelenga 10:21

Kuboolaawo bamucipani cakwe Koati bakalinga kunyamuka, kabayumwite ashintu shisalalite. Ciindi nceenga bashikilamo kumusena umwi wakuyakawo misumba, bakalinga kucana Tente ya Cipangano yeemikwa kale.

Shakubelenga 18:3

Balyeelete kunookusebensela alimwi akunoocita milimo imwi yoonse ya muTente, sombi tabeelete kusena pafwaafwi ashintu shisalalite muMusena Usalalite nabi kucipaililo. Na bakasene pafwaafwi, balo amwebo noonse mulaakufwa.

Shakubelenga 3:38

Sombi Mose aAloni alimwi abana bakwe basankwa bakalinga kuyaka misumba yabo kwicwe kunembo lya Tente ya Cipangano. Balo mulimo wabo wakalinga wakusebensela bene Isilaeli muMusena Usalalite. Muntu umwi uli woonse wakeelesha kucita mulimo uyu wakalinga kucaikwa.

Shakubelenga 4:14

Ndyeshi bakabikewo shintu shoonse shisebenseshekwa mumilimo ya pacipaililo, shikaye shakubikaawo mulilo, shakusubushako nyama, mafosholo alimwi ambale shifongomene. Kuboolaawo ndyeshi bakafwekewo cipaya citeshimite akwinjishamo shisamu shakunyamushaako.

Shakubelenga 4:19

ayi bacaikwe kwiinda mukusena muliimfwa lya shintu shisalalite shiindaawo ishi. Ono kwaamba ayi citacitiki ici, Aloni abana bakwe basankwa balaakwinjila mukati akupa muntu womwi awomwi mulimo wakucita alimwi akumulwiita cakunyamuna.

Shakubelenga 4:20

Sombi na bene Koati benjila muTente akubona bapailishi kababamba shintu shisalalite, nabi kubilwitakobo liinso, balaakufwa.”

Shakubelenga 7:9

Sombi Mose taakwe kupawo bene Koati shikoci nabi basune mukwiinga shintu shisalalite nshebakalinga kulama nshakunyamwita pashifushi.

Dutolonomi 31:9

Mpeeke Mose wakalemba Milawo yakwe Lesa akupa bene Lefi bapailishi abo bakalinga kulanga paLibokoshi lya Cipangano ca Mwaami Lesa, alimwi akupa bamatanjilili boonse ba bene Isilaeli.

Joshuwa 4:10

Bapailishi balo bakalinga kwiimfwibo pakati ka Mulonga wa Joodani kushikila shintu shoonse ndishakacitwa bweenka mbuli Mwaami Lesa mbwaakalwiita Joshuwa. Shakacitwa bweenka bwakaamba Mose kuli Joshuwa. Anu bantu bakafwambaana kusubuka.

1 Samwelo 6:19

Ono Mwaami Lesa wakacaya basankwa bene Beti Shemeshi bali makumi osanwe aobilo ceebo bakasondela muLibokoshi lya Cipangano. Bantu bakalila abuumbi ceebo Mwaami Lesa wakalengesha imfwa ya bantu baanji bobulya pakati kabo.