Shakubelenga 35:19 - Baibo Busansulushi Bwa Libuku Ili

¹⁹ Ono mukwabo wooyo wakacaikwa ngoweelete kucaya mucayi uyo kuli koonse nkweenga wamucana.

Shakubelenga 35:19 ပူးပေါင်းရင်းမြစ်များ

Matalikilo 4:14

Mutoontanda mucishi cino apameenso anu. Ndaakuba shikwiingooka utacite musena pacishi ca panshi, alimwi uli woonse eshi akancane, ulaakuncaya.”

2 Samwelo 14:11

Kuswawaawo wakaamba ayi, “Ndaseenga nkambo mupaile kuMwaami Lesa, Lesa wanu kwaamba ayi shikamukowa uyo weelete kuboosha cishole pamwanaangu ateendilishiiwo kubisha kwiinda mukucaya mwanaangu musankwa aumwi.” Mpomunyaawo mwaami Defedi wakaamba ayi, “Mbweeke mbocibete lushinisho ayi Mwaami Lesa ngumuumi, ncakwiila taaku nabi mususu weshi ukaswe mumutwi wa mwanaako musankwa akulokela panshi.”

2 Samwelo 14:7

Ono beshikamukowa boonse bambukila nemusebenshi wanu akwaamba ayi balisuni ngabe wooyo wakacaya mubye mumaansaabo ayi bamucaaye alakwe, ceebo cakucaya mukwabo. Na bakacite boobo, ingayi nebo ndaakucaalabo kwakubulawo mwaana musankwa. Nkokwaamba ayi balaakunyonyoola wakucinkamo manungo eenkabo ngooncite, abalo beebaangu inga babula weenga wacaasha liina lyabo pacishi ca panshi coonse cino.”

2 Samwelo 3:27

Ono Abina ndyaakaboola kuEbuloni, Joabu wakamutola kulubasu kumwinjililo anga ulisuni kubandikaakwe cabushishi. Mpeeke kweenka uko wakamuyasa mulifumo, wafwa. Joabu wakacita boobo kwaamba ayi abooshe cishole cakucaya Asayelo mukwabo.

2 Samwelo 3:30

Mboboobo Joabu aAbishayi mukwabo mbobakacaya Abina ayi babooshe cishole cakucaya Asayelo mukwababo kunkondo ya Gibyoni.

Shakubelenga 35:12

Muntu uyo teshi akanoolibilika kumukwabo mufu shikuboosha cishole. Muntu wakacaya mubye teelete kucaikwa kaatana koomboloshekwa mumeenso a bantu boonse.

Shakubelenga 35:18

Nabi na umwi uli woonse kaacite cisamu mulyaansa nceenga cacaya muntu, na woomishako umwi, mpeeke wafwa, ingayi ngumucayi. Aboobo, alakwe ulyeelete kucaikwa.

Shakubelenga 35:20

“ ‘Na muntu umwi ulipatite mubye, ono wamucaya kwiinda mukumuwisha panshi, kumuwaala cintu cimwi

Shakubelenga 35:21

nabi kumuuma makoofi, ingayi alakwe ngumucayi alimwi ulyeelete kucaikwa. Aboobo mukwabo wooyo wacaikwa ulyeelete kucaya mucayi kuli koonse nkweenga wamucana.

Shakubelenga 35:24

mushikani sha mbuli sheeshi, beshikoombolosha balaakuba kulubasu lwa wooyo wakacaya mubye, kuteshi mukwabo usuni kucaya wooyo wakacaya.

Shakubelenga 35:27

na mukwabo wooyo wakacaikwa wamucana akumucaya, ingayi taacite mulandu pakumucaya.

Dutolonomi 19:12

bamaloba ba mundabala mwaakala balyeelete kutuma bantu ayi bakamuleete, akumwaaba mumaansa a shikamukowa wakwe wooyo wakacaikwa ayi bamucaaye alakwe.

Dutolonomi 19:6

Nikwalingabo ndabala inene yomwi, naakwiinga mushinso wakuya kuli njiyo kooli ulaamfu. Aboobo shikamukowa wa wooyo wacaikwa inga watandaanya wooyo wacaya mubye mumapuso akumucaya alakwe, nacibi kwaamba ayi taalinga kweelete kucaikwa ceebo uyo wakacaikwa taalinga mulwani wakwe.

Joshuwa 20:3

kwaamba ayi na muntu wacaya mubye mumapuso, kuteshi kashanga, walobokela nkuko mukulifuna kumuntu uyo weelete kuboosha cishole.

Joshuwa 20:5

Na shikuboosha cishole wamukonkela uko, bantu ba mundabala iyo tabeelete kwaaba shikufunwa mumaansaakwe ayi amucaaye. Sombi balyeelete kumufuna mukwiinga taakwe kucita kashanga kucaya mubye alimwi kuteshi mumfundilishi.

Boomboloshi 8:19

Lyalo Gidyoni wakabaambila ayi, “Mwaamba kabotu. Bantu abo mbamakwesu, mbana babo bama. Ono neenga tamukwe kubacaya, ntooshomesha cakulumbila ayi bweenka mbocibete lushinisho ayi Mwaami Lesa ngumuumi, naakwiinga anebo nshimucaiiwo, sobwe.”