Shakubelenga 34:2 - Baibo Busansulushi Bwa Libuku Ili

² “Lwiita bene Isilaeli ayi, ‘Na mukashike mucishi ca Kenani ico ncentoomupa, manyinsa a cishi canu alaakuba bobulya.

Shakubelenga 34:2 ပူးပေါင်းရင်းမြစ်များ

Matalikilo 10:19

kutalikila kuSidoni kuya cakumalenge kushika kuGela pafwaafwi aGasa, kuya cakwicwe nkwiinda kuSodoma, Gomola, Adima, aSiboimi pafwaafwi aLasha.

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Kulumbaisha 105:11

Wakaamba ayi, “Ndaakukupa cishi ca Kenani kwaamba ayi cikabe caako.”

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Esekelo 47:13

Mpeeke Mwaami Lesa Shinkusu shoonse wakaamba ayi, “Nyinsa sha shipansha sha cishi isho nsheshi mukabaanye mikowa ili likumi ayobilo ya bene Isilaeli nsheeshi. Mukowa wakwe Josefu ulyeelete kupekwa shipansha shobilo.

Esekelo 47:14

Ndakashomesha cakulumbila kaantambikite lyaansa lyangu kubamashali banu bakulukulu kwaamba ayi ndaakubapa cishi cino ayi ncabo. Aboobo mulyeelete kwaabana shipansha sheelene pakati kanu.

Shakubelenga 34:1

Mpeeke Mwaami Lesa wakaambila Mose ayi,

Milimo ya Batumwi 17:26

Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Efeso 1:14

Mushimu Usalashi ncecitondesho cakwaamba ayi tulaakutambula shoolwe shoonse nshaakashomesha bantu bakwe. Aboobo tulaba alushomo ayi Lesa ulaakwaangulula cancinencine bantu bakwe. Atulumbaishe bulemu bwakwe!

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Joshuwa 11:23

Anu Joshuwa wakabwesa cishi coonse kweelana aMwaami Lesa mbwaakaambila Mose, akucaabanya kubene Isilaeli boonse kwiinda mumikowa yabo ayi ncinebo. Kuswawaawo inkondo yakaluba mumeenso a bantu boonse mucishi ico.

Joshuwa 13:1

Ono Joshuwa ndyaakacembela, Mwaami Lesa wakamwaambila ayi, “Webo wacembela abuumbi, sombi cishi ciciyandika kubwesekwa cicilibo cinene.

Joshuwa 21:43

Munshila iyo Mwaami Lesa wakapa bene Isilaeli cishi coonse ico ncaakalinga washomesha cakulumbila kubamashali babo bakulukulu. Mpeeke bakatalika kwikalaamo.