Shakubelenga 33:55 - Baibo Busansulushi Bwa Libuku Ili

⁵⁵ Sombi na mukabule kutanda bantu bali mucishi ico, abo mbweshi bakacaale balaakumupensha anga ntupampaansha mumeenso nabi anga njimyuumfwa ili mumbafu shanu alimwi balaakumulwana.

Shakubelenga 33:55 ပူးပေါင်းရင်းမြစ်များ

Kulonga 23:33

Alimwi mutakasuminishi bantu abo kwikala mucishi canu. Na mukabasuminishe, balaakulengesha ayi mukambishishe. Kulambila balesa babo, kulaakuba koose keshi kakamuletele lufu.”

Esekelo 28:24

Mwaami Lesa waamba ayi, “Bene Isilaeli teshi bakabewo tubili abeshikamukobonyinaabo babapatite bali anga nshisonsoonya shicisa amyuumfwa ikolete. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Shakubelenga 33:56

Ono na mukaalilwe kubatandaamo, ndaakumunyonyoola bweenka mbondakabamba kubacita.’ ”

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Dutolonomi 7:4

Mukwiinga inga batanjilila bana banu kuswa kuMwaami Lesa, Lesa wanu kwaamba ayi balambile balesa bamwi. Na ico cikacitike mulaakukalasha Mwaami Lesa. Paceebo ceeco ulaakumunyonyoola noonse cakufwambaana.

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Boomboloshi 2:3

Ono ntoomulwiita ayi bantu aba teshi mbataandeemo, sobwe. Balaakuba balwani banu alimwi balesa babo balaakuba anga ntoose kuli ndimwe.”