Shakubelenga 31:50 - Baibo Busansulushi Bwa Libuku Ili

⁵⁰ Paceebo ceeci, twaleta shintu shakulibotesha sha golodi nkokwaamba ayi shakufwala kumaansa, makosa, ninga, masikiyo alimwi ashakufwala munshingo, isho womwi awomwi pakati kesu nshaakabwesa. Ono tutooshipa Mwaami Lesa ayi tulisalashe kweelana aMilawo pameenso akwe.”

Shakubelenga 31:50 ပူးပေါင်းရင်းမြစ်များ

Kulumbaisha 107:15

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 116:12

Anu Mwaami Lesa nebo inga ndamupanshi pashintu shibotu shoonse ishi nshancitila?

Kulumbaisha 116:17

Ndaakubenga mulambu wakulumba kuli ndimwe alimwi akupaila muliina lyanu noBaami baLesa.

Kulonga 30:12

“Ono pakubelenga bene Isilaeli, musankwa munene woonse ulyeelete kundipila mweelo umwi ulubula buumi bwakwe, kwaamba ayi pakunoobelenga bantu batakacaniki mumwaalu.

Kulonga 35:22

Basankwa abanakashi boonse abo bakasuna kuleta cipo, bakaleta mapiini akulibotesha, masikiyo, ninga, shakufwala munshingo alimwi amishobo ipusenepusene ya makosa a golodi akushibenga ayi ncipo cakutambeeka kuMwaami Lesa.

Bene Lefi 17:11

Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.

Shakubelenga 31:49

akwaamba ayi, “Nkambo, twabelenga bashilumamba abo mbotwakalinga kutanjilila alimwi taaku nabi womwi utapo.

Shakubelenga 31:51

Mpeeke Mose aEliyasa mupailishi bakatambula golodi iyo. Anu yoonse yakalinga nshintu shakulibotesha.