Shakubelenga 31:16 - Baibo Busansulushi Bwa Libuku Ili

¹⁶ Amwiibaluke ayi mbanakashi bakakonkela milawo yakwe Balaamu, akulengesha ayi bantu baashukile Mwaami Lesa kuPeyo. Ico ncecakaleta mwaalu pabantu ba Mwaami Lesa.

Shakubelenga 31:16 ပူးပေါင်းရင်းမြစ်များ

Tushimpi 23:27

Mwanakashi mufuule uli anga ncilindi cilaamfu. Mwanakashi coonoone uli anga ngumukalo ulakeme.

Shikushimikila 7:26

Ndibwene cintu cibiibi kwiinda lufu. Cintu ico ngumwanakashi uyo uli anga nkoose. Ncakwiila mwanakashi uyo ucite moyo uli anga ncinsaala. Maansaakwe ali anga nincetani. Musankwa usangalasha Lesa ulakonsha kumuleya, sombi mucita shibi ulaakumucatisha mukoose kakwe.

Shakubelenga 24:14

Lyalo Balaamu wakaambila Balaki ayi, “Ono bulya ntooboolela kubene misheesu, sombi kaantana kuya, ntookucenjeshaako pashintu isho bene Isilaeli nsheshi bakacite kubantu bako munshiku shitoosa.”

Shakubelenga 25:18

mukwiinga wa cibi ncebakamucitila kwiinda mukumucenjeeka kuPeyo, alimwi aceebo cakwe Kosibi mwanaamwaami wa kuMidyani, uyo wakacaikwa ciindi ca mwaalu kuPeyo.”

Shakubelenga 31:8

kubikaawo abamaami ba bene Midyani bali bosanwe. Meenaabo ngaaya. Efi, Lekemu, Suli, Uli alimwi aLeba. Bakacaila kumwi aBalaamu mwanaakwe Beyo.

Dutolonomi 4:3

Mwebo nobeene mwakabona cakacita Mwaami Lesa paKalundu ka Peyo. Wakanyonyoola woonse wakalambila lesa wa kuPeyo wiitwa ayi Baali.

Joshuwa 22:17

Sa anu cibiibi cakacitwa kuPeyo cakaceya? Sa te Mwaami Lesa wakatupa mulandu kwiinda mukututumina mwaalu? Nakubi boobo abobulya tatuna kulisalasha kucibiibi cilya, sobwe.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.