Shakubelenga 28:3 - Baibo Busansulushi Bwa Libuku Ili

³ Mulambu wa cakulya weelete kubengwa kuli ndime neMwaami Lesa ngooyu. Bana ba mbelele bobilo basankwa bacite mwaaka womwi alimwi batacite kampenda ayi ngumulambu wakutenta pabushiku abushiku.

Shakubelenga 28:3 ပူးပေါင်းရင်းမြစ်များ

1 Makani 16:40

Macuunsa lyoonsebo alimwi amacolesha bakalinga kubenga milambu yakutenta pacipaililo kweelana ashoonse shilembetwe muMilawo ya Mwaami Lesa iyo njaakapa bene Isilaeli.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Esila 3:5

Kuswawaawo bakatalika kubenga milambu yakutenta ya lyoonse, milambu ya mweenshi upya, aya pakusekelela kusalitwe koonse kwakulambila Mwaami Lesa, pantu pomwi amilambu yakulyaaba yoonse ipekwa kuli nguwe.

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 8:11

Lyakalisumpula cakunyansha aMuleli wa likoto lya kwiculu. Lyakakasha milambu ya bushiku abushiku iyo yakalinga kubengwa kuMuleli uyo akubisha Ŋanda yakwe.

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Bene Lefi 3:5

Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.

Bene Lefi 6:9

“Lwiita Aloni alimwi abana bakwe ayi iyi njimilawo ya milambu yakutenta. Mulambu wakutenta ulyeelete kucaala pacipaililo mashiku oonse, awalo mulilo ulyeelete kubucesha koonyaka.

Amosi 4:4

Mwaami Lesa Shinkusu shoonse waamba ayi, “Ono kamuyabo kuBetelo mukubisha, muye kuGilugala akuya mukwiindaawo kubisha. Ee, kamutola milambu yanu macuunsa lyoonse akutola shalikumi shanu na nshiku shotatwe sheenda.

Shakubelenga 28:10

Mulambu wakutenta uyu ulyeelete kubengwa pabushiku bwakookesha bwa Cibelu bomwi abomwi kwiilika pamulambu wakutenta wa bushiku abushiku acipo ca nguwo ca cakunwa.

Shakubelenga 28:15

Ono kwiilika pamulambu wakutenta wa bushiku abushiku acipo ca cakunwa ca nguwo, balyeelete kubenga mpongo isankwa ayi ngumulambu wakulekelelwa shibiibi.

Shakubelenga 28:23

Balyeelete kubenga shintu ishi mukwiilika pamilambu yakutenta ya pabushiku abushiku.

Shakubelenga 28:24

Munshila yeenka iyo balyeelete kubenga mulambu wa cakulya lyoonse kwanshiku shosanwe ashobilo, bweema bunsangalasha neMwaami Lesa. Bacite boobo mukwiilika pamulambu wakutenta wa bushiku abushiku acipo ca nguwo ca cakunwa.

Shakubelenga 28:31

Balyeelete kubenga shintu ishi pantu pomwi acipo ca cakunwa mukwiilika pamulambu wakutenta wa pabushiku abushiku alimwi acipo ca fulaulo. Shifubwa shoonse ishi tasheelete kuba akampenda kali koonse.

Shakubelenga 28:4

Womwi balyeelete kumubenga macuunsa aumwi macolesha

Shakubelenga 29:11

Kuswawaawo bakeelikeewo ampongo isankwa ayi ngumulambu wakulekelelwa shibiibi. Ishi shoonse nshakwiilika pamulambu wakulekelelwa shibiibi mukusalasha bantu kweelana aMilawo, milambu yakutenta ya pabushiku abushiku pantu pomwi acipo ca shili anga ngamaila aca cakunwa ca nguwo.

Shakubelenga 29:16

Kuswawaawo bakeelikeewo ampongo isankwa ayi ngumulambu wakulekelelwa shibiibi. Ishi nshakwiilika pamulambu wakutenta wa pabushiku abushiku pantu pomwi acipo ca fulaulo aca cakunwa ca nguwo.

Shakubelenga 29:6

Anu ishi shoonse nshakwiilikabo pamulambu wakutenta ubengwa pabushiku butaanshi bwa mweenshi, pantu pomwi acipo ca shili anga ngamaila ca nguwo. Shilyeelete kwiilika apamulambu wakutenta wa pabushiku abushiku pantu pomwi acipo ca fulaulo aca cakunwa ca nguwo, bweema bunsangalasha neMwaami Lesa.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Bene Ebulu 9:6

Anu mbulya shintu mboshakalinga kubambitwe muTente. Bapailishi bakalinga kwinjila mucipinda citaanshi ca muTente lyoonse mukusebensa milimo yabo ya bupailishi.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.