Shakubelenga 28:2 - Baibo Busansulushi Bwa Libuku Ili

² “Lwiita bene Isilaeli ayi balyeelete kubenga milambu ya cakulya kuli ndime neLesa mushiindi sheelete ayi ibe bweema bunsangalasha nebo neMwaami Lesa.

Shakubelenga 28:2 ပူးပေါင်းရင်းမြစ်များ

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

1 Makani 23:31

alimwi apakubenga milambu yakutenta kuMwaami Lesa pabushiku bwakookesha bwa Cibelu, pabushiku bwa Mweenshi Upya anshiiku shimwibo shakusekelela. Milasho yakapangwa kusansulula mweelo wa bene Lefi beelete kusebensa ciindi aciindi. Bene Lefi bakapekwa mulimo wakulambila Mwaami Lesa ciindi coonse.

2 Makani 23:18

Mpomunyaawo Jeoiyada wakasala bapailishi abene Lefi ayi banokweendelesha milimo ya muŊanda yakwe Lesa. Bantu abo bakalinga kucita milimo iyo yakabapa mwaami Defedi alimwi akubenga milambu yakutenta kuMwaami Lesa kweelana aMilawo njaakapa Mose. Bakalinga kweendelesha abwiimbi alimwi ashakusekelela.

2 Makani 31:3

Mwaami Esekiya wakapa shifubwa kuswa mumatanga akwe ayi shibe milambu yakutenta ya macuunsa amacolesha, panshiku shakookesha sha Cibelu, pakusekelela kwa Myeenshi Ipya alimwi apanshiku shimwi shakusekelela isho shakalembwa muMilawo ya Mwaami Lesa.

Esila 3:2

Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.

Esila 3:3

Nabi bakalinga kuloonda bantu mbobakalinga kushiite abo, bakayaka alimwi cipaililo pamusena peenka mpocakalinga pakataanshi, akubenga milambu yakutenta kuMwaami Lesa nkokwaamba ayi milambu ya macuunsa aya macolesha.

Neyemiya 10:34

Swebo, nkokwaamba ayi bapailishi, bene Lefi abantubo tunanokuuma cisolo mwaaka amwaaka kwaamba ayi twishibe shipani sheelete kuleta nkuni isho nshakutentesha milambu yabengwa kuMwaami Lesa, Lesa wesu kuŊanda yakwe paciindi ceelete mumwaaka bweenka mbocilembetwe muMilawo.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Esekelo 16:19

Wakabwesa ashakulya nshendakakupa akucita bweenka ubo. Nkokwaamba ayi wakabwesa fulaulo upelekete, mafuta a olifi alimwi abuuci akupa shipo kushibumbwabumbwa sha tununkila kabotu. Nebo neMwaami Lesa Shinkusu shoonse ndaamba ayi ico cakacitika.

Esekelo 20:41

Ono pesule lya kumukusha mushishi umo momwakapalanganishilwa akumubunganya pomwi, ndaakusangalala muli ndimwe bweenka mboonsangalala patununkila kabotu uto ntoomuntentela. Lyalo ndyeshi nkalitondeshe ayi ndisalalite pameenso a mishobo imwi yoonse.

Esekelo 45:17

Ulaakunooli mulimo wa muleli uyo kupa shifubwa shakubenga milambu yakutenta pantu pomwi ashiyandika kushipo sha fulaulo akushipo sha shakunwa sha bene Isilaeli boonse pakusekelela. Nkokwaamba ayi kusekelela kwa Mweenshi Upya, Nshiku shakookesha sha Cibelu alimwi akusekelela kumwi kwakasalwa. Ulaakunoopa milambu yakulekelelwa shibiibi, shipo sha fulaulo, milambu yakutenta aya bwanabwankashi kwaamba ayi shibiibi sha bene Isilaeli shilekelelwe.”

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:17

Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 21:6

Ulyeelete kunoosalalite alimwi teelete kusebaanya liina lyangu. Lakwe ulabenga milambu ya cakulya kuli ndime, aboobo ulyeelete kunoosalalite.

Bene Lefi 21:8

Bantu balyeelete kulanga mupailishi ayi ulisalalite ceebo ulabenga milambu ya cakulya kuli ndime. Nebo ndime Mwaami Lesa, ndisalalite alimwi bantu bangu ndabasalasha.

Bene Lefi 3:11

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa.

Malaki 1:12

Ono mwebo mulanyansha ndyemwaamba ayi cipaililo tacicite ncito, alimwi apakubenga milambu iteelete.

Malaki 1:7

Mulabenga shakulya shiteelete pacipaililo cangu. “Lyalo muleepusha ayi, ‘Ino tatukupi buyani bulemu?’ Mukwiinga mulanyansha cipaililo cangu.

Shakubelenga 15:24

ono cacanika ayi bakabisha mukuteshiba, balyeelete kubenga mucende ayi ngumulambu wakutenta. Bweema bwa mulambu uyu bulansangalasha nebo neMwaami Lesa. Balyeelete kubikaawo acipo ca fulaulo alimwi aca cakunwa ceelete. Cakwiilikaawo nimpongo isankwa ayi ngumulambu wakulekelelwa shibiibi.

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 15:7

kwiilikaawo amalita 1.5 a waini ayi ncipo ca cakunwa. Anu bweema bwa milambu iyi bulansangalasha nebo neMwaami Lesa.

Shakubelenga 28:1

Mpeeke Mwaami Lesa wakaambila Mose ayi,

Shakubelenga 29:39

“Anu iyi njemilasho ikumite kumilambu yakutenta, shipo sha fulaulo, shipo sha cakunwa alimwi ashipo shabwanabwankashi isho nshemweelete kumpa neMwaami Lesa pashiindi sheelete shakusekelela. Ishi nshakwiilika pacipo ncebampa mukucita kweelana ambobakashomesha cakulumbila nabi cipo cakulyaaba.”

Shakubelenga 9:13

Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.

Shakubelenga 9:7

mukwaamba ayi, “Swebo tatusalalite ceebo twakumya mutuntu, sombi inga twakashikwa buyani kubenga mulambu kuMwaami Lesa pantu pomwi abene Isilaeli bamwi boonse?”

2 Bene Kolinto 2:15

Ceebo swebo tuli anga mbweema bwa tununkila kabotu pakutenta uto Jesu Klistu ntwaabenga kuli Lesa. Bweema ubo bwanyumfwika kubaabo beshi bakapulushikwe abaabo batoosowekwa.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.