Shakubelenga 27:3 - Baibo Busansulushi Bwa Libuku Ili

³ “Baishiwesu bakafwa muluyanga cakutashiyawo baana basankwa. Tebakalinga mulikoto lya baabo bakalinga kukonkela Kola, abo bakabukila Mwaami Lesa, sombi bakafwa ceebo ca kubisha kwabo beene.

Shakubelenga 27:3 ပူးပေါင်းရင်းမြစ်များ

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Shakubelenga 14:35

Nkokwaambilisha ayi ici ndaakucicita kuli ndimwe nobamucita shibi nomwabungana akutongooka ndime. Muluyanga mweenka muno noonse mweshi mukafwite. Nebo ndime Mwaami Lesa.’ ”

Shakubelenga 16:19

Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene.

Shakubelenga 16:49

Anu bantu bakafwa kumwaalu uyu bakalinga 14,700 kukushako baabo bakafwa ceebo cakwe Kola.

Shakubelenga 26:33

Selofeyadi mwanaakwe Efeli taakalinga kuciteewo baana basankwa, sombibo banakashi. Meenaabo ngaaya. Maala, Nowa, Ogila, Miluka alimwi aTesa.

Shakubelenga 27:2

Bakaya mukwiimikana kunembo lyakwe Mose, Eliyasa mupailishi, bamatanjilili alimwi abene Isilaeli boonse pamulyango wa Tente ya Cipangano akwaamba ayi,

Shakubelenga 27:4

Ono mukwiinga tebakalinga kucite baana basankwa, nceebonshi liina lya baishiwesu ncelitoolobela pakati ka bene Isilaeli? Amutupe cishi aswebo kuswa kubamakwababo.”

Joni 8:21

Lyalo Jesu wakaboshaawo kwaamba ayi, “Nebo ntooya, mulaakunangoola, sombi mulaakufwabo mushibiibi shanu. Uko nkoontooya, mwebo inga tamushikiiko.”

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Bene Loma 5:12

Bubi bwakesa mucishi ca panshi ceebo ca muntu womwi alimwi bubi ubo bwakaleta lufu. Mbweeke ubo lufu lwakashika kubantu boonse mukwiinga boonse bakabisha.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.