Shakubelenga 24:9 - Baibo Busansulushi Bwa Libuku Ili

⁹ Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Shakubelenga 24:9 ပူးပေါင်းရင်းမြစ်များ

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

1 Baami 10:20

Kwakalinga nkalamu shakubumba shili likumi ashobilo, nkokwaamba ayi kweela citantilo koonse koonse kwakalinga nkalamu yomwi yomwi. Taaku mwaami umwi wakalinga kucitewo cuuna ca bwaami ca mushobo uyo.

2 Makani 9:18

Cuuna ico cakalinga kucite matantilo osanwe aobilo. Kwakuyaamina kwakalinga kubulungene anga ngumutwi wa mucende mwaana. Kumbasu shobilo shoonse cakalinga kucite mwakutula maansa ankalamu yakubumba kayiimfwi kulubasu lwa mwakutula maansa komwi akomwi.

Esita 6:13

Amani wakaambila Seleshi mukaakwe ababye boonse isho shoonse shakamucitikila. Abalo beshikumupandako maano amukaakwe bakamwaambila ayi, “Modekayi uyo walengesha kuwa kwanu ngumuJuda. Teshi mukamukomeewo, tau. Nkokwaamba ayi mwebo camana mwakomwa kale!”

Jobo 41:10

Taakuuwo nabi womwi ucite nkusu shakwaamba ayi inga wamusumuna. Ono ngani uyo weenga weemikana ayi apikishanye anebo neLesa?

Kulumbaisha 122:6

Amupailile luumuno muJelusalemu. Mupaile ayi, “OJelusalemu, bantu abo bakusuni baswitilile.

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulonga 23:22

Sombi na mukanoomunyumfwila akucita shoonse nsheshi nkanoomulwiita, nebo ndaakulwana abalwani banu boonse.

Isaya 31:4

Mwaami Lesa wandwiita ayi, “Bweenka nkalamu mboibuluma, ee, bweenka nkalamu inene mboicemba pamunyama ngoyacata alimwi bweenka mboitaloondi beembeshi batooiyobelela nabi bafule buyani, mbweeke ubo taaku weshi akakonshe kukasha nebo neMwaami Lesa kufuna Kalundu ka Siyoni.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Shakubelenga 22:12

Sombi Lesa wakaambila Balaamu ayi, “Uteeleshi kuya abasankwa aba alimwi utashingani bene Isilaeli ceebo balicite coolwe.”

Shakubelenga 22:6

Bantu aba mbayumu kwiinda ndiswe, ono ndakusenga ayi wise unshinganineeko. Mpashi ndyeenga twabakoma akubatanda mucishi cesu. Nebo ndishi kwaamba ayi abo mbowapa coolwe, ncakwiila balaba acoolwe. Abo mbooshingana, ncakwiila balashinganwa.”

Shakubelenga 23:24

Bene Isilaeli balanyamuka anga ninkalamu yanakashi, balalibusha anga ninkalamu isankwa. Tayookeshi kushikila yacaya akulya, akunwa bulowa bwa ceeco nceyacaya.”

Shakubelenga 24:10

Mpeeke Balaki wakakalala abuumbi, wafunga likoofi akwaambila Balaamu ayi, “Webo ndakakwiitila kushingana balwani bangu, sombi aba mankanda otatwe ono koobapa coolwe.

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Milimo ya Batumwi 9:5

Saulo wakeepusha ayi, “Ino ndimwe baani, Nkambo?” Liswi lyakanyumfwika alimwi ayi, “Ndime Jesu uyo ngootoopensha.

Dutolonomi 30:7

Mpeeke ulaakutuntulwita mashingo oonse aya pabalwani banu abo bakalinga kumupatite akumupensha.