Shakubelenga 24:7 - Baibo Busansulushi Bwa Libuku Ili

⁷ Balaakuba amfuula ibotu abuumbi. Balaakushanga mbuto shabo mumyuunda mutontola kabotu. Alakwe mwaami wabo ulaakulemekwa kwiinda Agagi alimwi bwaami bwakwe bulaakulumbaishikwa.

Shakubelenga 24:7 ပူးပေါင်းရင်းမြစ်များ

2 Samwelo 5:12

Mpomunyaawo Defedi wakeshiba ayi Mwaami Lesa wayumya bwaami bwakwe pabene Isilaeli akubusumpula ceebo ca bantu bakwe bene Isilaeli.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

1 Baami 5:1

Mwaami Ilamu wa kuTaya wakalinga mubye Defedi alimwi ndyaakanyumfwa ayi Solomoni ngowapyana bwaami bwakwe Defedi ishi, wakatuma beshikumwiimikanina kuli nguwe.

1 Makani 14:2

Mpomunyaawo Defedi wakeshiba ayi Mwaami Lesa wayumya bwaami bwakwe pabene Isilaeli alimwi ayi bulelo bwakwe bwakasumpulwa abuumbi ceebo ca bantu bakwe bene Isilaeli.

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

Esita 3:1

Pesule lya makani aya oonse akacitika, mwaami Sakisesi wakasala Amani kuba pamusena wiinda wa bacinenenene bamwi boonse. Amani wakalinga mwanaakwe Amedata wamulunyungu lwakwe Agagi.

Kulumbaisha 18:43

Mwakamfuna kuswa kubantu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

Kulumbaisha 68:26

Aalumbaishikwe Lesa mulibungano linene. Aalumbaishikwe Mwaami Lesa mulibungano lya bene Isilaeli.

Kulumbaisha 72:11

Bamaami boonse balaakufukama kunembo lyakwe. Ncakwiila mishobo yoonse ilaakumusebensela!

Kulumbaisha 89:27

Anebo ndaakumucita ayi abe mwanaangu mutaanshi, ndaakumusumpula kwiinda baami bamwi ba pacishi ca panshi.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Isaya 30:25

Ono bushiku balwani banu baakucaikwa, maandaabo alaamfu a beshikulindila aakuwa, tulonga tulaakukunka kuswa mutulundu toonse, tunene atuniini.

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 51:13

Mwebo nomushiite kufwaafwi amilonga iinji nomucite buboni buunji, ono bwamweela, cashikila ciindi canu cakufwa.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Shakubelenga 24:20

Amane kwaamba boobo, Balaamu wakabona bene Amaleki anga muciloto akulaluka ayi, “Mushobo wa bene Amaleki wakalinga kucite nkusu kwiinda mishobo yoonse, Sombi kumeelelesho, ulaakunyonyooka cakumaninina.”

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”