Shakubelenga 24:6 - Baibo Busansulushi Bwa Libuku Ili

⁶ Anga njimindando ilaamfu ya tupukupuku, anga njimyuunda ili muloombe lwa mulonga, anga nshisamu sha aloyi shakashanga Mwaami Lesa, nabi anga nshisamu sha sida shili mweela maanshi.

Shakubelenga 24:6 ပူးပေါင်းရင်းမြစ်များ

Matalikilo 13:10

Loti wakalangalanga akubona kwaamba ayi cinyika coonse ca Joodani, kuyabo akuSowa, cakalinga kucite maanshi abuumbi, anga ngumuunda wa Mwaami Lesa nabi cishi ca Ijipiti. Ici cakalinga nciindi Mwaami Lesa kaatana kunyonyoola mandabala anene a Sodoma a Gomola.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 104:16

Shisamu sha Mwaami Lesa shilatililwa cakushikaawo nkokwaamba ayi shisamu sha sida sha kuLebanoni isho nshaakashanga.

Kulumbaisha 45:8

Mingaanjo yanu yoonse itoonunkilabo mule amafuta amwi anunkila kabotu. Beshikulisha shilimba balamusangalasha mumaanda a bwaami akaboteshekwa ameeca ansofu.

Lwiimbo lwakwe Solomoni 6:11

Ndakaya kumuunda wa shisamu sha alumondi kuya mukubona lutundwa mucinyika, amukubona na minyansa yasonsa nabi mapomegilaneti aba amaluba.

Isaya 41:19

Ndaakulengesha shisamu sha sida, akasha, mishikili asha maolifi kumena muluyanga. Ndaakulengesha shisamu sha mapaini kumena kushishi sha kumbo. Ee, shisamu sha mapaini shipusenepusene shilaakumena mumusena womwi.

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Jelemiya 17:18

Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Esekelo 47:12

Kulubasu lomwi alomwi lwa mulonga kulaakumena shisamu sha mishobo amishobo sheshi shikanoocata shisepo. Matewu a shisamu isho teshi akanooyumaawo alimwi shisamu isho teshi shikacilekeewo kucata, sobwe. Shilaakunoocata shisepo shipya mweenshi amweenshi ceebo shilaakunootililwa amaanshi aswa kuŊanda yakwe Lesa. Shisamu shilaakunoocata shisepo shilikwa aalo matewu alaakunoosebenseshekwa kushilika bantu.”

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Shakubelenga 24:5

Misumba yanu nobamulunyungu lwakwe Jakobo, njibotu abuumbi! Ee, momwikala nobene Isilaeli, mubotu ciine!