Shakubelenga 24:4 - Baibo Busansulushi Bwa Libuku Ili

⁴ makani awooyo unyumfwa maswi akwe Lesa, uyo ubona shintu anga muciloto kuswa kuli Lesa Shinkusu shoonse, uyo uwa panshi ameenso kaalasha.

Shakubelenga 24:4 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 15:12

Lisuba ndilyakalinga kuya cipila, Abulamu wakoona mutulo. Mpeeke munshinshe ulemu alimwi uyoosha wakesa pali nguwe.

1 Baami 22:17

Lyalo Mikaya wakwaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

Kulumbaisha 89:19

Kalekale mwakaamba mucili anga nciloto kubantu banu bashomeka ayi, “Ndapa nkusu kuli shilumamba ushinkusu. Ndakamusala kuswa kubantu bangu akumusumpula.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Shakubelenga 22:20

Pabushiku ubo mashiku, Lesa wakesa kuli Balaamu akumwaambila ayi, “Na basankwa aba besa mukukwiita, libambile uyaabo, sombi ucitebo ceenka nceshi nkulwiite.”

Shakubelenga 22:31

Kuswawaawo Mwaami Lesa wakalengesha ayi Balaamu abone munjelo kaaimfwi apo kaacite amupeeni. Abonebo boobo, wakaliwaala panshi akuya mukushishawo ciwa.

Shakubelenga 24:15

Lyalo wakalaluka ayi, “Makani akwe Balaamu mwanaakwe Beyo, maswi a muntu ulasha kabotu,

Shakubelenga 24:5

Misumba yanu nobamulunyungu lwakwe Jakobo, njibotu abuumbi! Ee, momwikala nobene Isilaeli, mubotu ciine!

Milimo ya Batumwi 10:10

Paciindi ico wakanyumfwa nsala akuyanda cakulya. Bantu kabacibamba cakulya, Pita wakabona cintu anga muciloto.

Milimo ya Batumwi 10:19

Pita ndyaakalinga kuciyeeyabo cikani cilya, Mushimu Usalashi wakamwaambila ayi, “Nyumfwa, pali bantu botatwe batookuyandoola.

Milimo ya Batumwi 22:17

“Lyalo ndakaboolela kuJelusalemu. Ndindakalinga kupaila muŊanda yakwe Lesa, ndakabona cili anga nciloto.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

1 Samwelo 19:24

Mpomunyaawo wakacipa shakufwala shakwe akulaluka pameenso akwe Samwelo. Wakoona matakosha malumwi oonse kunungaako amashiku. Mboboobo mbowaakatalika mwaambo wakwaamba ayi, “Sa Saulo alakwe waba mulaluki?”