Shakubelenga 23:27 - Baibo Busansulushi Bwa Libuku Ili

²⁷ Mpomunyaawo Balaki wakaambila Balaamu ayi, “Katiya soonse, ono ntookutola kumusena umwi. Mpashi Lesa kwalo inga wasuminisha ayi uye unshinganineko bene Isilaeli.”

Shakubelenga 23:27 ပူးပေါင်းရင်းမြစ်များ

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 14:27

Mwaami Lesa Shinkusu shoonse mwiine ngwaashinisha ayi ulaakucita shintu ishi. Ono ngani weenga wakonsha kumukasha? Lyaansa lyakwe walinyamuna kale kwaamba ayi ape mulandu. Ono ngani weenga wakonsha kuliboosha panshi?

Malaki 3:6

“Nebo ndi Mwaami Lesa alimwi nshipilooki. Aboobo mwebo nobamulunyungu lwakwe Jakobo tamuna kunyonyookelabo limwi.

Shakubelenga 22:6

Bantu aba mbayumu kwiinda ndiswe, ono ndakusenga ayi wise unshinganineeko. Mpashi ndyeenga twabakoma akubatanda mucishi cesu. Nebo ndishi kwaamba ayi abo mbowapa coolwe, ncakwiila balaba acoolwe. Abo mbooshingana, ncakwiila balashinganwa.”

Shakubelenga 23:13

Mpomunyaawo Balaki wakaambila Balaamu ayi, “Katiya soonse kumusena umwi uko nkweenga wabonabo bene Isilaeli bamwi. Unshinganishileeko nkomunya uko.”

Shakubelenga 23:26

Lakwe Balaamu wakakumbula ayi, “Sa nshikwe kumulwiita ayi ndyeelete kucitabo Mwaami Lesa nsheenga wandwiita?”

Shakubelenga 23:28

Aboobo wakatola Balaamu peculu paKalundu ka Peyo, kalangene aluyanga.

Bene Loma 11:29

Na Lesa wasala akupa coolwe muntu, taasanduki.