Shakubelenga 23:21 - Baibo Busansulushi Bwa Libuku Ili

²¹ Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.

Shakubelenga 23:21 ပူးပေါင်းရင်းမြစ်များ

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

Kulumbaisha 103:12

Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.

Kulumbaisha 118:15

Ono amunyumfwe ciyobeyobe cakusangalala mumisumba ya baluleme. Batokwiimba nyimbo shakusangalala mukwiinga bakoma. Batokwaamba ayi, “Nkusu sha Mwaami Lesa shiindaawo shacita shintu shikankamika!

Kulumbaisha 135:21

Aalumbaishikwe Mwaami Lesa kuswa kuSiyoni, ncakwiila amumulumbaishe uyo ukala muJelusalemu. Amulumbaishe Mwaami Lesa!

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

Kulumbaisha 32:2

Balicite coolwe abo Lesa mbwaateebalukili shibiibi shabo, alimwi ucite moyo mutaamu bubeshi napaceyi.

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 97:1

Mwaami Lesa ngoolela, aboobo nobamucishi ca panshi amukondwe. Amwebo nomwikala pansumbu sha palweenge amusangalale.

Kulumbaisha 99:2

Mwaami Lesa ulicite nkusu muSiyoni. Ncakwiila ulasumpulwa pamishobo yoonse.

Kulonga 13:21

Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku.

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 33:21

Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Jelemiya 50:20

Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Shakubelenga 14:19

Ono pacecino ciindi noBaami baLesa, kweelana akukomena kwa lusuno lwanu lutapilooki, amulekelele bantu aba cibiibi cabo, bweenka mbuli mbomwalinga kubalekelela kuswabo ndibakaswa mucishi ca Ijipiti tibili asunu.”

Shakubelenga 16:3

Lyalo bakabungana kuli Mose aAloni akubaambila ayi, “Mweendilisha! Boonse bene Isilaeli mba Mwaami Lesa, alimwi Mwaami Lesa uli pakati kesu soonse. Ino nceebonshi webo Mose, walipa bunene kwiinda bantu ba Mwaami Lesa boonse?”

Shakubelenga 9:22

Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Bene Loma 6:14

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

Bene Loma 8:1

Ono abo bashoma muli Jesu Klistu, Lesa taabapi mulandu.

2 Bene Kolinto 2:14

Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

Dutolonomi 32:5

Sombi mwebo tamushomeki, tamweelete kwiitwa ayi bana bakwe, nolunyungu lushikubisha alimwi lushikubeca.

Dutolonomi 33:5

Bene Isilaeli alimwi abamatanjilili babo ndibakalinga kubungene mumikowa yabo Lesa wakaba ngomwaami wa bene Isilaeli.”

Dutolonomi 9:24

Kuswabo paciindi ndindakamwishiba mulibo beshikwaalookila Mwaami Lesa.

Boomboloshi 6:13

Mpeeke Gidyoni wakamukumbula ayi, “Nkambo, na Mwaami Lesa uli aswebo, ino ceebonshi mapensho aya oonse atootucitikila? Bamashali besu bakulukulu bakatwaambila ayi Mwaami Lesa wakacita shaankamiko ndyaakabakusha muIjipiti. Ino bulya shili kuli? Ncakwiila Mwaami Lesa watufutatila akutwaaba mumaansa a bene Midyani.”

1 Samwelo 25:28

Ndaseenga mundekelele cilubo ncindacita nemusebenshi wanu. Ncakwiila Mwaami Lesa ulaakulengesha bwaami kuba pali ndimwe abamulunyungu lwanu mukwiinga mutoolwana nkondo sha Mwaami Lesa. Aboobo akubule kubisha kwishi kucanike muli ndimwe kulilabo kamucili boomi