Shakubelenga 23:19 - Baibo Busansulushi Bwa Libuku Ili

¹⁹ Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Shakubelenga 23:19 ပူးပေါင်းရင်းမြစ်များ

Matalikilo 26:3

Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

1 Baami 14:11

Wamuŋanda yako uli woonse weshi akafwite mundabala inene ulaakulikwa kubakabwa, alimwi uyo woonse weshi akafwite muliwesa ulaakulikwa makubi. Ubo nebo neMwaami Lesa mbondaamba!’ ”

2 Baami 15:12

Aboobo cakashomesha Mwaami Lesa kuli Jewu cakacitika cancinencine. Wakashomesha ayi, “Bamulunyungu lwako kushikila akulishalane lyane, balaakunooba bamaami ba bene Isilaeli.”

2 Baami 7:2

Mpomunyaawo shikucafwa mwaami wakaambila Elisha ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

1 Makani 17:17

Ono nobaLesa, pasheeshi shoonse mweelikaawo akushomesha shabamulunyungu lwangu nemusebenshi wanu kuciindi citoosa. NoBaami baLesa mucinanga anga ngumuntu usumpukite kwiinda bamwi boonse.

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Kulumbaisha 77:9

Sa Lesa waluba kutufwita nkumbu? Sa wacileka kutunyumfwila nkumbu ceebo ca bukali?”

Kulumbaisha 89:34

Teshi nkapwayewo cipangano cangu, nabi kubula kucita kweelana akushomesha kwangu kuli koonse.

Kulumbaisha 89:35

“Ntooshomesha cakulumbila ceebo ca liina lyangu lisalalite ayi nabi cikabe buyani teshi nkabeceewo kuli Defedi.

Isaya 21:17

Basankwa bene Keda mbobeendaawo kubula boowa kumata, sombi mbaniinibo beshi bakacaaleewo. Nebo neMwaami Lesa, Lesa wa bene Isilaeli ndaamba.”

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 40:8

Bwiisu bulayuma aalo maluba alaloka sombi maswi akwe Lesa wesu alaakunooliikobo kwalyoonse alyoonse.”

Isaya 46:11

Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.

Isaya 55:11

Mbweeke ubo amaswi aswa mumulomo wangu mbwaabete ubo. Teshi akaboole kuli ndime kaatana kucita mulimo wa ngawo. Sombi alaakumanisha mulimo uyo ngoonsuni ayi acite akuswitilila mumuyeeyo ngondakaatumina.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Danyelo 4:28

Shintu shoonse ishi shakacitika kumwaami Nebukadinesa.

Osiya 11:9

Teshi nkacite kweelana abukali bwangu, teshi nkanyonyoolewo Isilaeli alimwi mukwiinga ndi Lesa, kuteshi muntu. Nebo neUsalalite ndi pakati kanu, aboobo teshi nkese kuli ndimwe mubukali bwangu buyoosha.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Malaki 3:6

“Nebo ndi Mwaami Lesa alimwi nshipilooki. Aboobo mwebo nobamulunyungu lwakwe Jakobo tamuna kunyonyookelabo limwi.

Shakubelenga 14:35

Nkokwaambilisha ayi ici ndaakucicita kuli ndimwe nobamucita shibi nomwabungana akutongooka ndime. Muluyanga mweenka muno noonse mweshi mukafwite. Nebo ndime Mwaami Lesa.’ ”

Shakubelenga 23:18

Mpomunyaawo Balaamu wakalaluka ayi, “Amunyamuke baBalaki munkutike, amunyumfwe nobana babo baSipo.

Luka 21:33

Liculu alimwi acishi ca panshi shilaakumana, sombi maswi angu teshi akamaneewo, sobwe.

Bene Loma 11:29

Na Lesa wasala akupa coolwe muntu, taasanduki.

Bene Loma 9:6

Ono nshintokwaamba ayi Lesa taakwe kucita kweelana akushomesha kwakwe ceebo teshi bene Isilaeli boonse babandwa ayi mbantu bakwe Lesa cancinencine.

2 Timoti 2:13

Na tatushomeki, lakwe ulatolelela kushomeka, ceebo taakoonshi kulikaka, sobwe.”

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Bene Ebulu 7:21

Sombi Jesu wakaba mupailishi kwiinda mukulumbila, Lesa ndyaakaamba kuli nguwe ayi, “Nebo neMwaami ndalumbila alimwi teshi nkayeeyewo bumbi ayi, ‘Ulaakunoolibo mupailishi lyoonse.’ ”

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Jemusi 4:5

Mutayeeyi ayi Malembo akwe Lesa alabeca ndyaamba ayi, “Muuya Lesa ngwaakabika muli ndiswe ulayandishisha shamubili.”

Joshuwa 21:45

Ono taaku nabi comwi pasheesho Mwaami Lesa nshaakashomesha bene Isilaeli shakaala, sombi shoonse shakacitika kweelana ambwaakashomesha.

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”

1 Samwelo 3:12

Pabushiku ubo ndaakucita shoonse nshindakaamba kucita kubamuŋanda yakwe Eli, kuswabo kumatalikilo kushika akumeelelesho.