Shakubelenga 22:7 - Baibo Busansulushi Bwa Libuku Ili

⁷ Aboobo bamatanjilili ba bene Moabu alimwi abene Midyani bakatolelela ashakulipila pamashingo akuya kuli Balaamu akumulwiita makani akaswa kuli Balaki.

Shakubelenga 22:7 ပူးပေါင်းရင်းမြစ်များ

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Esekelo 21:21

Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Shakubelenga 22:8

Mpeeke Balaamu wakabaambila ayi, “Amoone kuno kwaamba ayi ciilo nkamulwiite shoonse Mwaami Lesa nsheshi andwiite.” Lyalo bamatanjilili ba bene Moabu bakacaala kuli Balaamu.

Shakubelenga 23:23

Taaku buloshi kubamulunyungu lwakwe Jakobo, taaku buŋanga bweenga bwasebensa kubene Isilaeli. Ono bantu balaakwaamba pabene Isilaeli ayi, ‘Amubone Lesa nshaacita!’

Shakubelenga 24:1

Paciindi ici Balaamu wakeshiba ayi Mwaami Lesa wakalinga kusuni ayi ape bene Isilaeli coolwe. Aboobo taakwe kuya mukuyandoola shitondesho shimwi shabuŋanga kweelana ambwaakalinga kucita mushiindi shimwi. Sombi wakalanga kulubasu lwa luyanga

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Taitasi 1:11

Aba balyeelete kukashikwa mukwiinga batoonyonyonganya bamumaanda boonse mbobapolela kwiinda mukwiisha shintu isho nshebateelete. Balacita boobo kwaamba ayi babilile mpawo.

Joshuwa 13:22

Pabantu abo bene Isilaeli mbobakacaya, pakalinga shikulotela Balaamu, mwanaakwe Beyo.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.