Shakubelenga 22:6 - Baibo Busansulushi Bwa Libuku Ili

⁶ Bantu aba mbayumu kwiinda ndiswe, ono ndakusenga ayi wise unshinganineeko. Mpashi ndyeenga twabakoma akubatanda mucishi cesu. Nebo ndishi kwaamba ayi abo mbowapa coolwe, ncakwiila balaba acoolwe. Abo mbooshingana, ncakwiila balashinganwa.”

Shakubelenga 22:6 ပူးပေါင်းရင်းမြစ်များ

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

1 Baami 22:13

Paciindi ceenka ico wacinenenene uyo wakalinga kuya mukwiita Mikaya wakamwaambila ayi, “Balaluki bamwi boonse balaluka kale shakuswitilila kwa mwaami, awebo waambe bweenka ubo.”

1 Baami 22:6

Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

Neyemiya 13:2

Cakalinga boobo ceebo bakeema bene Isilaeli shakulya amaanshi, alimwi bakatamba Balamu kwaamba ayi abashingane. Nakubi boobo Lesa wesu wakasandula lishingo kuba coolwe.

Kulumbaisha 109:28

Nabi banshingana, mwebo munanoompa coolwe. Na bandwana, mwebo munanoobalensha nsoni. Sombi nebo nemusebenshi wanu nanoosangaletebo.

Tushimpi 26:2

Mashingo taakoonshi kukucisa na taakweelete. Ee, alaba anga mbayuni balelembabo, sombi cakutekalaawo.

Esekelo 13:6

Shili anga nshiloto shabo nshabubeshi abulaluki bwabo mbwakucenjeekabo. Balaamba ayi, ‘Mwaami Lesa waamba,’ kakuli teshi ndime ndabatuma. Nakubi boobo balangila maswi abo ayi acitike cancinencine.

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

Shakubelenga 22:12

Sombi Lesa wakaambila Balaamu ayi, “Uteeleshi kuya abasankwa aba alimwi utashingani bene Isilaeli ceebo balicite coolwe.”

Shakubelenga 22:17

Nebo ntookulambula cakusanyaako alimwi akucita coonse nceshi waambe. Ndakombelela kosa unshinganineeko bantu aba.”

Shakubelenga 23:13

Mpomunyaawo Balaki wakaambila Balaamu ayi, “Katiya soonse kumusena umwi uko nkweenga wabonabo bene Isilaeli bamwi. Unshinganishileeko nkomunya uko.”

Shakubelenga 23:27

Mpomunyaawo Balaki wakaambila Balaamu ayi, “Katiya soonse, ono ntookutola kumusena umwi. Mpashi Lesa kwalo inga wasuminisha ayi uye unshinganineko bene Isilaeli.”

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Milimo ya Batumwi 16:16

Bushiku bumwi nditwakalinga kuya kumusena wakupaililaako, twakacana mwanakashi musha, wakalinga kucite shikaswa uyo wakalinga kumupa nkusu shakulaluka. Kwiinda mukulaluka kwakwe, wakacanina baami bakwe maali aanji.

Dutolonomi 23:4

Mukwiinga bantu aba bakakaka kumupa cakulya amaanshi lilya ndimwakalinga kuswa mucishi ca Ijipiti, alimwi bakeeta aBalaamu mwanaakwe Beyo wa mundabala inene ya Peto mucishi ca Mesopotamya, ayi amushingane,

Joshuwa 24:9

Balaki mwanaakwe Sipo, mwaami wa cishi ca Moabu, ndyaakalibambila kumulwana, wakatumya nkombe kuli Balaamu mwanaakwe Beyo ayi ese amushingane.

1 Samwelo 17:43

Mpeeke wakaambila Defedi ayi, “Ono utoosa ankooli kuli ndime, sa utooyeeya ayi ndi kabwa?” Mpomunyaawo mwine Filisiti ulya wakashingana Defedi muliina lya balesa bakwe.