Shakubelenga 21:34 - Baibo Busansulushi Bwa Libuku Ili

³⁴ Mpomunyaawo Mwaami Lesa wakaambila Mose ayi, “Utamuloondi. Nebo ntoolengesha ayi mumukoome, bantu bakwe alimwi acishi cakwe. Umuciite bweenka mbowakacita Sioni mwaami wa bene Amoli, uyo wakalinga kweendelesha kuEshiboni.”

Shakubelenga 21:34 ပူးပေါင်းရင်းမြစ်များ

2 Samwelo 5:19

Mpeeke Defedi wakeepusha Mwaami Lesa ayi, “Sa bene Filisiti nje nkabalwaane? Sa mutoobaaba mumaansaangu ayi mbakoome?” Mwaami Lesa wakakumbula ayi, “Koya, mukwiinga bene Filisiti ndushinisho ntoobaaba mumaansaako ayi ubakoome.”

1 Baami 20:13

Paciindi ceenka ico mulaluki wakaya kuMwaami Aabu akwaamba ayi, “Mwaami Lesa waamba ayi, ‘Utaloondi kufula kwa bashilumamba abo! Ntookupa nkusu shakukoma balwani bako sunu, lyalo ulaakwishiba ayi ndi Mwaami Lesa.’ ”

1 Baami 20:28

Lyalo mulaluki wakaya kumwaami Aabu akumwaambila ayi, “Mwaami Lesa waamba ayi, ‘Mukwiinga bene Silya batokwaamba ayi nebo ndi lesa wa mutulundu nshiishi lesa wa mushinyika, ntookupa nkusu shakukoma bashilumamba babo baanji kwaamba ayi webo abantu bako mwishibe ayi ndime Mwaami Lesa.’ ”

2 Baami 3:18

Elisha wakatolelela akwaamba ayi, “KuMwaami Lesa ici ncuububo kucicita alimwi ulaakwaaba abene Moabu mumaansaanu.

Isaya 41:13

Ceebo nebo ndime Mwaami Lesa, Lesa wanu. Ndime wooyo umucatilila pamaansa anu alulyo akumwaambila ayi, ‘Mutaloondi, ndaakumucafwa.’ ”

Shakubelenga 14:9

Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Shakubelenga 32:4

ayo Mwaami Lesa ngaakalengesha ayi bene Isilaeli bakome, njimisena ibotu abuumbi kushifubwa alimwi swebo tulicite shifubwa shiinji abuumbi.

Dutolonomi 2:30

“Sombi mwaami Sioni wakatukasha kwiinda mucishi cakwe. Mwaami Lesa, Lesa wanu wakalinga wamulengesha bushicimpamya abwaashu, kwaamba ayi tumukoome akubwesa cishi cakwe ico ncetucikalaamo abobulya.

Dutolonomi 20:3

‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

Dutolonomi 3:1

“Kuswawaawo twakaya kumatwa kululama cishi ca Bashani. Mpeeke Ogi mwaami wa kuBashani wakaswa abashilumamba bakwe boonse kwaamba ayi alwane aswebo pafwaafwi andabala ya Edileyi.

Dutolonomi 3:11

Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.

Dutolonomi 31:6

Anu amuyume akulishoma. Mutabaloondi nabi kututuma ceebo Mwaami Lesa, Lesa wanu unanooli amwebo. Teshi akamushiyeewo nabi kumusuula.”

Dutolonomi 7:17

“Ono cimwi ciindi inga mwaamba ayi bantu aba mbaanji kwiinda ndiswe alimwi tatubakoonshi kubatandaamo.

Dutolonomi 7:18

Kutabaloonda. Amwiibaluke Mwaami Lesa, Lesa wanu mbwaakacita kuli Falawo, mwaami wa Ijipiti abantu bakwe boonse.

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Dutolonomi 7:24

Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Joshuwa 10:25

Lyalo Joshuwa wakaambila bamatanjilili abo ayi, “Mutaloondi nabi kutyongola. Amuyume akulishoma mukwiinga Mwaami Lesa mbweshi anoocita kubalwani banu boonse abo mbweshi munoolwanaabo.”

Joshuwa 10:8

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

Joshuwa 8:7

mwebo mulyeelete kuyubuluka akubwesa ndabala. Mwaami Lesa, Lesa wanu utooyaaba mumaansaanu.

Boomboloshi 11:30

Mpeeke Jefuta wakashomesha cakulumbila kuMwaami Lesa ayi, “Na mukaabe bene Amoni mumaansaangu,

1 Samwelo 23:4

Lyalo Defedi wakeepusha Mwaami Lesa alimwi, mpeeke wakakumbula ayi, “Koyabo kuKeila mukwiinga ndaakwaaba bene Filisiti mumaansaako.”