Shakubelenga 21:29 - Baibo Busansulushi Bwa Libuku Ili

²⁹ Mapensho kuli ndimwe nobene Moabu! Mwebo nomulambila Kemoshi mwanyonyoolwa! Lesa wanu ulalengesha basankwa banu kulobokela kushishi shimwi, abalo banakashi Sioni mwaami wa bene Amoli wakabacata.

Shakubelenga 21:29 ပူးပေါင်းရင်းမြစ်များ

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

1 Baami 11:7

Pakalundu, kwicwe lya Jelusalemu wakayaka musena wakulambililawo Kemoshi lesa wa bene Moabu ulensha bunya amusena wakulambililawo Moleki lesa wa bene Amoni ulensha bunya.

2 Baami 23:13

Josiya wakanyonyoola shipaililo isho shakayaka Mwaami Solomoni kwicwe lya Jelusalemu kumalenge aKalundu ka Kunyonyoolwa, isho shakalinga kusebenseshekwa pakulambila shibumbwabumbwa shilensha bunya. Nkokwaamba ayi kulambila Ashitaloti lesa mwanakashi wa bene Sidoni, Kemoshi lesa wa bene Moabu, alimwi aMoleki lesa wa bene Amoni.

Isaya 15:5

Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 16:2

Ono bweenka bana ba babayuni mbobaulukaulukabo na bakushikwa paciinswa, mbweeke ubo banakashi bene Moabu mbobabete kushito sha mulonga wa Anoni.

Jelemiya 48:13

Lyalo bene Moabu balaakulisenda kuli Kemoshi lesa wabo bweenka mbuli bene Isilaeli mbobakalisenda ndibakalinga kucinkite manungo muli Betelo.

Jelemiya 48:45

“Bantu abo beshi bakacice nkondo kucishi cine mishaabo, balaakweenkemanabo kuEshiboni ceebo mulilo ulaakunyaka mundabala iyo. Ulaakunyakila mukati mwiine muSiyoni akunyaka muya nyinsa alimwi apatulundu twa bene Moabu beshikulisumpula abo basuni kulwana.

Jelemiya 48:46

Mapensho kuli ndimwe nobene Moabu! Bantu abo bakalinga kulambila Kemoshi bamana kunyonyoolwa. Abalo bana banu basankwa abanakashi batolwa busha.

Jelemiya 48:7

“Nobene Moabu, ceebo cakwaamba ayi mulicinkite manungo mumicito yanu amububoni bwanu, amwebo noonse mulaakutolwa busha. Alakwe lesa wanu Kemoshi ulaakutolwa busha pantu pomwi abapailishi bakwe alimwi abacinenenene bakwe.

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

Boomboloshi 11:24

Koshiite acishi ico cakakupa Kemoshi lesa wako. Aswebo tunanooshiite aceeco cakatupa Mwaami Lesa, Lesa wesu.