Shakubelenga 21:26 - Baibo Busansulushi Bwa Libuku Ili

²⁶ Anu Eshiboni yakalinga njendabala inene ya mwaami Sioni wa bene Amoli, uyo wakalwana mwaami wa bene Moabu wakalingaawo kalekale akumunyaya cishi coonse kuya mukweela kuMulonga wa Anoni.

Shakubelenga 21:26 ပူးပေါင်းရင်းမြစ်များ

Lwiimbo lwakwe Solomoni 7:4

Nshingo yako ili anga niŋanda ilaamfu ya meeca a nsofu. Meenso ako ali anga nshishiba sha Eshiboni shicanika kuMwinjililo wa kuBati Labimu. Nshono yako ili anga niŋanda ilaamfu ya kuLebanoni, iyo ilangene andabala ya Damasikasi.

Lwiimbo lwakwe Solomoni 7:5

Mutwi wako ulinongomene anga nKalundu ka Kamelo. Misusu yako ili anga shisani sha bwaami. Mwaami ulyaangitwe kuli njiyo.

Jelemiya 48:2

Cishi ca Moabu teshi cikalumbaishikweewo tubili. Mundabala ya Eshiboni bantu balaakupinga kubukila cishi ico. Balaakwaamba ayi, ‘Kamwisa tulobye mushobo uyu!’ Awebo ondabala ya Madimeni ulaakutontoshekwa, Makoto a bashilumamba alaakwisa mukukulwana.

Jelemiya 48:20

Balaakukumbula ayi, ‘Cishi ca Moabu casebaana ceebo capwayoolwa. Amoolome akulila! Amwaambilishe muya Mulonga wa Anoni ayi cishi ca Moabu canyonyoolwa.’

Jelemiya 48:45

“Bantu abo beshi bakacice nkondo kucishi cine mishaabo, balaakweenkemanabo kuEshiboni ceebo mulilo ulaakunyaka mundabala iyo. Ulaakunyakila mukati mwiine muSiyoni akunyaka muya nyinsa alimwi apatulundu twa bene Moabu beshikulisumpula abo basuni kulwana.

Shakubelenga 21:25

Munshila iyi bene Isilaeli bakabwesa mandabala anene oonse a bene Amoli akwikalaamo, kubikaawo aEshiboni alimwi amandabala amwi oonse akalinga kushingulukite.

Shakubelenga 21:27

Nceceeco bantu beshitushimpi ncebakaambila ayi, “Amwise kuEshiboni, ndabala inene iyakwe alimwi, ndabala inene ya mwaami Sioni ibe mboyakalinga!

Dutolonomi 1:4

Ici cakacitika Mwaami Lesa kaali wakoma kale Sioni mwaami wa bene Amoli, uyo wakalinga kweendelesha ndabala ya Eshiboni, aOgi mwaami wa Bashani, uyo wakalinga kweendelesha ndabala ya Ashitaloti aya Edileyi.

Joshuwa 13:16

Cishi cabo cakalinga kutalikila kuAlowa, mweela Cinyika ca Anoni, alimwi andabala inene ili pakati ka cinyika ico pantu pomwi acitunta coonse cishingulukite Medeba.

Joshuwa 13:17

Cishi ico kubika aEshiboni alimwi amandabala anene oonse ali pacitunta mukati, nkokwaamba ayi Diboni, Bamoti Baali, Beti Baalimeyoni,

Joshuwa 13:25

Cishi cabo cakalinga nguJasa, mandabala anene oonse a muGilyadi, musa wa cishi ca Amoni kuya mukushika kuAlowa pafwaafwi aLaba.

Joshuwa 21:39

Eshiboni alimwi aya Jasa pantu pomwi amafulo a ngawo. Mandabala anene ayo akalinga one oonse pantu pomwi.

Boomboloshi 11:26

Bene Isilaeli bakekala kuEshiboni amishi ishingulukite, Alowa amishi ishingulukite amandabala anene oonse ali muya Mulonga wa Anoni myaaka ili myaanda yotatwe. Ceebonshi tookwe kubanyaya muciindi ico?