Shakubelenga 2:2 - Baibo Busansulushi Bwa Libuku Ili

² “Na bene Isilaeli bayaka misumba, musankwa womwi awomwi ulyeelete kuyakila pafwaafwi ambembela ya likoto lyakwe, aya mukowa wakwe. Misumba ilyeelete kuyakwa kantalamukila kuswa kuTente akwiishinguluka.”

Shakubelenga 2:2 ပူးပေါင်းရင်းမြစ်များ

Kulumbaisha 74:4

Balwani banu bakoolobesha cakusangalala muŊanda yanu. Bakabikako mbembela yakutondesha ayi bakoma.

Kulumbaisha 76:11

Amupe Mwaami Lesa, Lesa wanu isho nshemwakamushomesha cakulumbila. Mishobo ishingulukite ailete shipo kuwooyo weelete kuloondwa.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Sekaliya 9:16

Bushiku ubo bwaakushikila, Mwaami Lesa ulaakupulusha bantu bakwe bweenka mweembeshi mbwaafuna litanga lyakwe kubulwani. Bantu bakwe abo balaakunoobekabeka mucishi cakwe bweenka bubeka mabwe amakwebo kumushini.

Shakubelenga 1:50

Sombi ukabape bunene bwa muTente yangu ya Cipangano ashintu sha njiyo shoonse. Balaakunooinyamuna pantu pomwi ashintu sha njiyo, kusebensela mumo alimwi akwiishingulusha misumba yabo.

Shakubelenga 10:14

Mushiindi shoonse ndibakalinga kulonga, makoto a mumukowa wakwe Juda akalinga kutaanguna kunyamuka akweendela pesule lya mbembela yabo. Mutanjilili wa bamumukowa uyu nguNashoni mwanaakwe Aminadabu.

Shakubelenga 10:18

Kuboolaawo makoto a mumukowa wakwe Lubeni akalinga kunyamuka akweendela pesule lya mbembela yabo. Mutanjilili wa bamumukowa uyu nguElise mwanaakwe Sheduwa.

Shakubelenga 10:22

Kuboolaawo makoto a mumukowa wakwe Efuleemu akalinga kunyamuka akweendela pesule lya mbembela yabo. Mutanjilili wa bamumukowa uyu nguElishama mwanaakwe Amiyudi.

Shakubelenga 10:25

Akweelaako ngamakoto a mumukowa wakwe Dani akalinga kunyamuka akweendela pesule lya mbembela yabo. Bakalinga kuba beshikutabilila makoto amwi oonse kwisule. Mutanjilili wa bamumukowa uyu nguAyiyesa mwanaakwe Amishadayi.

Shakubelenga 2:1

Mpomunyaawo Mwaami Lesa wakaambila Mose aAloni ayi,

Shakubelenga 2:10

Kulubasu lwa kumalenge kulaakuyakila makoto a mumukowa wakwe Lubeni, pafwaafwi ambembela yabo. Mutanjilili wa mukowa uyu nguElisuli mwanaakwe Sheduwa.

Shakubelenga 2:3

Kulubasu lwa kwicwe, makoto a mumukowa wakwe Juda alyeelete kuyaka misumba yabo pafwaafwi ambembela yabo. Mutanjilili wa bamumukowa uyu nguNashoni mwanaakwe Aminadabu.

Shakubelenga 24:2

akubona bene Isilaeli kabayakite mukowa amukowa. Mpeeke Mushimu wakwe Lesa wakamutanjilila,

1 Bene Kolinto 14:33

Mukwiinga Lesa taasuni kunyonyongana, sombi ulisuni luumuno. Ono kweelana amushoonde shimwi shoonse sha bantu bakwe Lesa,

1 Bene Kolinto 14:40

Shintu shoonse shilyeelete kucitwa munshila ibotu alimwi mumulawo.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Kolose 2:19

Tabacatite kuli Klistu, uyo uli ngomutwi wa coonde. Sombi muli Klistu mubili woonse ulatambula nkusu alimwi shipansha shoonse shilacatanishikwa mushiso sha nshisho. Munshila iyi mubili ulakula kweelana aLesa mbwaasuni.

Joshuwa 3:4

Mukwiinga mwebo tamuna kwisako kale kuno, balo batoomubonesha nshila. Sombi tamweelete kusena bunene pafwaafwi aLibokoshi lya Cipangano. Mulyeelete kucaalila amushinso ulaampa kilomita yomwi.”