Shakubelenga 19:11 - Baibo Busansulushi Bwa Libuku Ili

¹¹ “Uyo woonse weenga wakumya mutuntu teshi akanoosalalite kweelana aMilawo kwanshiku shosanwe ashobilo.

Shakubelenga 19:11 ပူးပေါင်းရင်းမြစ်များ

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Malilo 4:14

Bulya batooya cipampanshila kwakuya anga mboofu. Balisombelete abuumbi kubulowa mbobakatila. Aboobo taaku muntu nabi womwi weenga wabakumya.

Esekelo 39:12

Cilaakutolela bene Isilaeli myeenshi yosanwe ayobilo kufukila mituntu yabo kwaamba ayi cishi cisalale kweelana aMilawo.

Esekelo 44:26

Pesule lyakusalashikwa ulyeelete kulindilila nshiku shosanwe ashobilo.

Bene Lefi 11:31

Pabanyama boonse bakalaba, ishi tashisalalite kuli ndimwe. Uyo woonse weenga wakumya mituntu yabo, teshi akanoosalalite kushikila macolesha.

Bene Lefi 21:1

Mpeeke Mwaami Lesa wakaambila Mose ayi, “Lwiita Aloni abana bakwe basankwa bapailishi ayi, ‘Taaku mupailishi weelete kulilengesha kutanoosalalite kweelana aMilawo kwiinda mukucanika mushililo sha bamakwabo bali boonse.

Bene Lefi 21:11

Teelete kwinjila mumusena muli mutuntu. Teelete kulilengesha ayi abule kunoosalalite kweelana aMilawo kwiinda mukucanika nabibo pacililo ca baishi nabi banyina,

Bene Lefi 22:4

“ ‘Taaku wamulunyungu lwakwe Aloni uyo ucite manata nabi utooswa mashina kubusankwa, weelete kulya milambu isalalite kushikila akasalale kweelana aMilawo. Mupailishi woonse teshi akanoosalalite kweelana aMilawo na wakumya cintu cili coonse citasalalite ceebo cakakumya kumutuntu alimwi na waliwaalila,

Bene Lefi 5:2

“Na muntu umwi wacata cintu cimwi citasalalite kweelana aMilawo cakuteshiba, banyama bamuluundu batasalalite bafwite, shifubwa shitasalalite shifwite nabi shilongolo shinene atuniini sheenda panshi shitasalalite shifwite. Ono nabi ncakuteshiba, muntu uyo taasalalite alimwi ulicite mulandu.

Agayi 2:13

Mpeeke anebo neAgayi ndakeepusha ayi, “Aŋambe ayi musankwa taasalalite mukwiinga wacata mutuntu. Ino na wacata shakulya isho, sa inga shaba shitasalalite?” Abalo bapailishi bakakumbula ayi, “Ee.”

Shakubelenga 19:16

Na umwi pansengwe lya misumba, wakumya muntu wakacaikwa amupeeni, wakafwabo, cifuwa ca muntu nabi cuumbwe, alakwe teshi akanoosalalite kwanshiku shosanwe ashobilo.

Shakubelenga 31:19

Ono mwebo noonse nomwacayawo muntu nabi kukumya mutuntu, mulyeelete kwikala pansengwe lya misumba kwanshiku shosanwe ashobilo. Pabushiku bwatatu abwasanu ashobilo mulyeelete kulisalasha pantu pomwi abanakashi abo mbomwacata.

Shakubelenga 5:2

“Lwiita bene Isilaeli ayi bakushe mumisumba muntu uli woonse ucite bulwashi bwa manata, utooswa mashina amushobo uli woonse mumubili alimwi awooyo woonse utasalalite kweelana aMilawo ceebo cakukumya mutuntu.

Shakubelenga 6:6

Mukwikala kwakwe koonse kwakulibenga kuMwaami Lesa, teelete kusena pafwaafwi amutuntu.

Shakubelenga 9:10

“Lwiita bene Isilaeli ayi na umwi uli woonse mulikoto lyanu nabi bamulunyungu lwanu tabasalalite ceebo bakumya mutuntu nabi bali pamushinso kumwi kulaale, sombi kabasuni kulama bushiku bwa Pasika bwakwiibaluka kusotokela,

Shakubelenga 9:6

Sombi pakalinga basankwa bamwi abo batakalinga kusalalite kweelana aMilawo ceebo bakakumya mutuntu, aboobo tabakwe kukonsha kulama bushiku bwa Pasika pabushiku ubo. Mpeeke bakaya kuli Mose aAloni

Milimo ya Batumwi 21:26

Mpeeke bushiku bwakaboolaawo Paulo wakaya abasankwa bone abo akulisalashisha pantu pomwi ambabo. Kuswawaawo wakaya muŊanda yakwe Lesa mukwishibisha bantu bushiku bwakweelaako bwa nshiku shakulisalasha kwabo. Lyalo ndyeshi womwi awomwi wa basankwa abo bone akabengelwe cipo kuli Lesa.

Milimo ya Batumwi 21:27

Inshiku shili shosanwe ashobilo ndishakalinga pafwaafwi kumana, bamwi baJuda ba kucishi ca Esha bakabona Paulo muŊanda yakwe Lesa. Bakayungoola likoto lyoonse lya bantu akucata Paulo.

Bene Loma 5:12

Bubi bwakesa mucishi ca panshi ceebo ca muntu womwi alimwi bubi ubo bwakaleta lufu. Mbweeke ubo lufu lwakashika kubantu boonse mukwiinga boonse bakabisha.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.