Shakubelenga 18:8 - Baibo Busansulushi Bwa Libuku Ili

⁸ Lyalo Mwaami Lesa wakaambila Aloni ayi, “Nebo nemwiine ndakupa shipo shoonse isho bene Isilaeli nshebampa. Ndapa ndiwe abana bako basankwa ayi ncecipansha canu ico nceshi mukanoopekwa lyoonse.

Shakubelenga 18:8 ပူးပေါင်းရင်းမြစ်များ

2 Baami 12:16

Maali akalinga kubengwa ayi ncipo cakumana mulandu acipo cakulekelelwa shibiibi taakalinga kubikwa mulibokoshi ilyo. Sombi akalinga kupekwa kubapailishi.

2 Makani 31:4

Kuswawaawo Esekiya wakaambila bene Jelusalemu ayi kabaletela bapailishi abene Lefi shipo isho nshebakalinga kweelete kupekwa kwaamba ayi beelibalebo kucita shiyanda Milawo ya Mwaami Lesa.

2 Makani 31:5

Ingayi bene Isilaeli banyumfwebo shakaamba mwaami, bakaleta nsomo sha shili anga ngamaila, waini, mafuta a olifi, buuci alimwi ashintu shimwi shiswa mumyuunda. Bakaleta ashalikumi sha buboni bwabo boonse.

Kulonga 28:43

Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

Kulonga 29:21

Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.

Kulonga 29:28

Uyu ulaakunooli mulawo wangu wa nshiku shoonse ayi na bantu bangu batoopa cipo ca bwanabwankashi, ntiti alimwi alibelo nsha bapailishi. Ico ncipo bantu nceshi bakanoopa ndime neMwaami Lesa.

Kulonga 29:29

“Mpomunyaawo shakufwala sha bupailishi shakwe Aloni shilaakupekwa kubamulunyungu lwakwe basankwa na akafwe, kwaamba ayi bakanoofwala pakubikwa pabupailishi.

Kulonga 40:13

Ukafwalike Aloni shakufwala sha bupailishi akumunanika mafuta asalalite alimwi akumubenga kuli ndime, kwaamba ayi akansebensele mulimo wa bupailishi.

Kulonga 40:15

Ukabananike bweenka mbweshi ukananike ishiwabo kwaamba ayi bakansebensele mulimo wa bupailishi. Kunanikwa uko kulaakulengesha ayi bakanoolibo bapailishi lyoonse.”

Isaya 10:27

Pabushiku ubo ndaakumwaangulula kuswa munkusu sha bene Asilya akutyoloola lijoko lya bweendeleshi bwabo lili pashifushi shanu.”

Bene Lefi 21:10

“ ‘Alakwe mupailishi munene, uyo wakatilwa mafuta ayo akunanika pamutwi alimwi wakabengwa ayi anoofwala shakufwala sha bupailishi, teelete kutanoosakula misusu nabi kukwamuna shakufwala nshaafwete kwaamba ayi aboneshe ayi ulicite cililo.

Bene Lefi 23:20

Lyalo mupailishi ulyeelete kubenga shinkwa alimwi abana bambelele bobilo abo ayi ngumulambu wakutambeeka wa bapailishi kuli ndime neMwaami Lesa. Mulambu uyu ulisalalite.

Bene Lefi 6:16

Lyalo bapailishi balaakulya shoonse sheshi shikacaaleewo. Balaakupanga cimaande ico nceshi bakalite mumusena usalalite nkokwaamba ayi mulubansa lwa Tente ya Cipangano,

Bene Lefi 6:18

Mumyaaka yoonse ili kunembo baana basankwa bamulunyungu lwakwe Aloni balyeelete kunoolya cakulya ici, ayi abalo nceshi cikanoolibo cinebo kuswa kushakulya shipekwa kuli ndime neMwaami Lesa. Uyo woonse weenga wakumya kucipo ca shakulya ulaakucisikwa ceebo cipo ico cilisalalite.”

Bene Lefi 6:20

“Ici ncipo Aloni abana bakwe ncebeelete kupa ndime neMwaami Lesa bushiku mbobabikwa pabupailishi. Womwi awomwi ulyeelete kupa kilogilamu yomwi ya fulaulo, nkokwaamba ayi uunji bweenka mbuli cipo ca fulaulo cipekwa nshiiku shoonse, musa umwi macuunsa, awalo umwi macolesha.

Bene Lefi 6:26

Mupailishi utoobenga munyama, ulyeelete kulita nyama iyo mumusena usalalite nkokwaamba ayi mulubansa lwa Tente ya Cipangano.

Bene Lefi 7:14

Ulaakupa cipansha comwi comwi kuswa kumishobo yoonse ya shimaande alimwi ashinkwa ayi ncipo cipuseneeko cipekwa kuMwaami Lesa. Cipo ico nca mupailishi uyo usanseela bulowa bwa munyama kucipaililo.

Bene Lefi 7:28

Lyalo Mwaami Lesa wakaambila Mose ayi,

Bene Lefi 7:6

Musankwa woonse wa mumikowa ya bupailishi inga walya mulambu uyu, sombi ulyeelete kulitwa mumusena usalalite, ceebo ulisalalite abuumbi.

Bene Lefi 8:30

Kuswawaawo Mose wakabwesa mafuta akunanika alimwi abulowa bumwi bwakalinga pacipaililo, akubusanseela pali Aloni, bana bakwe basankwa alimwi apashakufwala shabo boonse. Munshila iyo wakabenga mbabo alimwi ashakufwala shabo kuMwaami Lesa.

Shakubelenga 18:9

Mulyeelete kunoopekwa cipansha ca shintu shisalalite abuumbi isho shitatentwi pacipaililo. Kuswa pacipo coonse cisalalite ciindaawo ico ncebaleta kuli ndimwe, nabi ncipo ca shili anga ngamaila, mulambu wakulekelelwa shibiibi alimwi awakumana milandu, ishi nshaako alimwi abana bako basankwa.

Shakubelenga 5:9

Ashipo shimwi shoonse shipuseneeko isho bene Isilaeli nshebapa ndime neMwaami Lesa, nsha mupailishi uyo utooshitambula.

1 Bene Kolinto 9:13

Mwebo mulishi cakwiila ayi abo basebensela muŊanda yakwe Lesa balacana cakulya mweenka umo, abalo beshikubenga milambu pacipaililo balabaana milambu iyo ibengwa pacipaililo.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:6

Kumusena uyo weenka nkweshi mukanoopeta milambu yakutenta amilambu imwibo, pantu pomwi acalikumi, shipo nshemushomesha cakulumbila kupa Mwaami Lesa, cipo cakulyaaba alimwi abaana bakwiiya ba ŋombe ambelele.

Dutolonomi 18:1

“Mukowa wa bupailishi wa bene Lefi tooelete kupekwa cipansha nabi comwi mucishi ca Isilaeli. Balo balaakunoolyabo milambu ibengwa kuMwaami Lesa alimwi ashipo.

Dutolonomi 26:13

Kuswawaawo mukaambile Mwaami Lesa, Lesa wanu ayi, ‘Ndakusha cipansha ca likumi cisalalite kuswa muŋanda yangu akupa bene Lefi, baswamashi, bana banshiwa alimwi abamukalubinje banakashi kweelana ambomwandwiita. Nshina kupwaya milawo yanu nabi kwiilubaako, sobwe.

Bene Ebulu 1:9

Ulisuni kucita shiluleme akupata shitaluleme. Nceceeco nebo, neLesa wako, ncendakakusalila akukunanika mafuta abonesha kusangalala kwiinda babyo bamwi boonse.”

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.