Shakubelenga 18:32 - Baibo Busansulushi Bwa Libuku Ili

³² Na mwapa kale cipansha ciindaawo kubota, teshi mukanoolipa mulandu pakunoolya. Pakucita boobo, teshi mukalengeshe cipo cisalalite ca bene Isilaeli kuba citasalalite, ceebo inga mwafwa.”

Shakubelenga 18:32 ပူးပေါင်းရင်းမြစ်များ

Kulonga 28:43

Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

Bene Lefi 19:8

Uyo woonse weenga walya nyama iyo ulaakuba amulandu ceebo walengesha cintu cabengwa kuli ndime kuba cintubo. Aboobo teshi akanoociyeeyelwa kuba mulikoto lya bantu bangu.

Bene Lefi 22:2

“Lwiita Aloni abana bakwe basankwa ayi, ‘Tamweelete kusebaanya liina lyangu lisalalite, paceebo ceeci mulyeelete kuba abulemu kumilambu isalalite iyo bene Isilaeli njebabenga kuli ndime. Nebo ndime Mwaami Lesa.

Malaki 1:7

Mulabenga shakulya shiteelete pacipaililo cangu. “Lyalo muleepusha ayi, ‘Ino tatukupi buyani bulemu?’ Mukwiinga mulanyansha cipaililo cangu.

Shakubelenga 18:22

Kuswa sunu, bene Isilaeli bamwi boonse tabeelete kunoosena pafwaafwi aTente. Na bakasene pafwaafwi, balaakucaikwa ceebo cakubisha uko.

Shakubelenga 18:31

Ono mwebo alimwi abamumaandaanu inga mwalita kuli koonse nkomusuni shoonse nsheenga shacaalaawo, mukwiinga ngomalipilo anu pamulimo ngomucita muTente ya Cipangano.

Shakubelenga 19:1

Mpomunyaawo Mwaami Lesa wakaambila Mose aAloni ayi,

1 Bene Kolinto 11:27

Paceebo ceeco uyo woonse ulya cimaande ici akunwita munkomeshi iyi mukutalemeka Mwaami Jesu, ulicite mulandu kumubili abulowa bwakwe.

1 Bene Kolinto 11:29

Ceebo na wabula kwishiba ncocaamba mubili wa Mwaami Jesu pakulya cimaande akunwa munkomeshi iyo, ulaliletela bukali bwakwe Lesa.