Shakubelenga 18:23 - Baibo Busansulushi Bwa Libuku Ili

²³ Bene Lefi beenkabo mbobeelete kunoosebensela muTente alimwi mbweshi bakanoopekwa mulandu pacibiibi cacitika umo. Uyu ngumulawo weelete kunookonkelwa lyoonse mumashalane oonse acisa. Bene Lefi teshi bakapekwewo cintu ayi ncabo pamikowa yoonse ya bene Isilaeli.

Shakubelenga 18:23 ပူးပေါင်းရင်းမြစ်များ

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Esekelo 44:10

Mpeeke Mwaami Lesa Shinkusu shoonse wakandwiita ayi, “Bene Lefi abene Isilaeli abo bakamfutatila kuya mukulambila shibumbwabumbwa ntoobapa mulandu.

Shakubelenga 18:1

Mpeeke Mwaami Lesa wakaambila Aloni ayi, “Webo, bana bako basankwa alimwi abene Lefi bamwi mulyeelete kunoolanga pamilandu ikumite kuTente ya Cipangano. Ono webo alimwi abana bako basankwa, nweenkabo, mulyeelete kunoolanga pamilandu ikumite kubupailishi.

Shakubelenga 18:20

Mpomunyaawo Mwaami Lesa wakaambila Aloni ayi, “Taaku cishi nceshi ukapekwe ayi ncaako mucishi ca Isilaeli, alimwi taaku shintu nsheshi ukapekwe anga njimikowa imwi. Nebo neMwaami Lesa ndime cipansha cako alimwi abuboni mboweelete kupyana pabene Isilaeli.”

Shakubelenga 19:21

Mulyeelete kunookonkela mulawo uyu lyoonsebo. Muntu uyo usanseela maanshi akusalasha, alakwe ulyeelete kucapa shakufwala shakwe. Uyo woonse weenga wakumya maanshi akusalasha teshi akanoosalalite kushikila macolesha.

Shakubelenga 26:62

Anu basankwa bene Lefi abo bakalinga kucite mweenshi akuya kunembo pantu pomwi boonse bakalinga 23,000. Pabene Isilaeli boonse, balo tabakwe kubelengelwa pantu pomwi abene Isilaelinyinaabo mukwiinga tabakwe kupekwawo cishi pakati kabo.

Shakubelenga 3:7

Balaakunoocita milimo yoonse iyandika muTente ya Cipangano, mukusebensela bapailishi alimwi abene Isilaeli boonse.

Shakubelenga 35:29

Anu milasho iyi ilikumite kuli ndimwe amashalane oonse acisa kuli koonse nkweshi mukanoobete.

Dutolonomi 10:9

Nceceeco bene Lefi ncebatakwe kupetwaawo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.

Joshuwa 13:14

Ono Mose taakwe kupawo mukowa wa bene Lefi cishi ayi cibe cinebo, mukwiinga milambu yakutenta ipekwa Mwaami Lesa, Lesa wa bene Isilaeli, ncecipansha cabo kweelana aMwaami Lesa mwiine mbwaakabashomesha.