Shakubelenga 18:20 - Baibo Busansulushi Bwa Libuku Ili

²⁰ Mpomunyaawo Mwaami Lesa wakaambila Aloni ayi, “Taaku cishi nceshi ukapekwe ayi ncaako mucishi ca Isilaeli, alimwi taaku shintu nsheshi ukapekwe anga njimikowa imwi. Nebo neMwaami Lesa ndime cipansha cako alimwi abuboni mboweelete kupyana pabene Isilaeli.”

Shakubelenga 18:20 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Kulumbaisha 142:5

NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”

Kulumbaisha 16:5

NoBaami baLesa ndimwe mwakampa cipansha cangu ca cishi, ncakwiila ndimwe mwakampa ankomeshi ya shoolwe shangu shoonse. Nshiku shangu shitoosa shili mumaansaanu.

Kulumbaisha 73:26

Mubili abuumi bwangu shilaakumana. Sombi Lesa nshenkusu shangu, ngoompa shiyandika shoonse mubuumi bwangu.

Malilo 3:24

Aboobo ndalyaamboosha ayi, “Mwaami Lesa mbobuboni bwangu. Paceebo ceeco ndaakunoolangila kuli nguwe.”

Esekelo 44:28

“Nebo neenkabo ndime buboni bweelete kupyana bapailishi. Tooelete kubapa cipansha ca cishi muIsilaeli. Nebo ndimeshi nkabe cipansha cabo.

Shakubelenga 18:7

Sombi webo alimwi abana bako basankwa nweenkabo, ndimwe mweelete kusebensa mulimo wa bupailishi, uyo ukumite kucipaililo alimwi aMusena Usalalite Wiindaawo. Uyu mulimo wa bupailishi ncipo ncendamupa. Uyo woonse umwi weenga wasena pafwaafwi aMusena Usalalite ulyeelete kucaikwa.”

Shakubelenga 26:62

Anu basankwa bene Lefi abo bakalinga kucite mweenshi akuya kunembo pantu pomwi boonse bakalinga 23,000. Pabene Isilaeli boonse, balo tabakwe kubelengelwa pantu pomwi abene Isilaelinyinaabo mukwiinga tabakwe kupekwawo cishi pakati kabo.

Dutolonomi 10:9

Nceceeco bene Lefi ncebatakwe kupetwaawo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 14:27

“Bene Lefi abo mbomwikalaabo tamweelete kubalubaako ceebo taaku cipansha ca cishi ncibakapekwa ayi ncabo.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Joshuwa 13:14

Ono Mose taakwe kupawo mukowa wa bene Lefi cishi ayi cibe cinebo, mukwiinga milambu yakutenta ipekwa Mwaami Lesa, Lesa wa bene Isilaeli, ncecipansha cabo kweelana aMwaami Lesa mwiine mbwaakabashomesha.

Joshuwa 13:33

Ono Mose taakwe kupawo mukowa wa bene Lefi cishi ayi cibe cinebo mukwiinga balo cipansha cabo nguMwaami Lesa, Lesa wa bene Isilaeli, kweelana aMwaami Lesa mbwaakabashomesha mwiine.

Joshuwa 14:3

Mose wakalinga wapa kale mikowa yobilo alimwi amusa cishi ico cakalinga kwicwe lya Mulonga wa Joodani ayi ncinebo. Sombi bene Lefi taakwe kubapawo cishi ayi ncinebo.

Joshuwa 18:7

Nacibi boobo bene Lefi balo teshi bakapekwewo cishi cinebo mbuli ndimwe noonse, mukwiinga cipansha cabo nkusebensela Mwaami Lesa mulimo wa bupailishi. Mukowa wakwe Gadi, Lubeni alimwi amusa wa mukowa wakwe Manase bakapekwa kale cishi cinebo kwicwe lya Mulonga wa Joodani, ico cakabapa Mose musebenshi wa Mwaami Lesa.”

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.