Shakubelenga 18:13 - Baibo Busansulushi Bwa Libuku Ili

¹³ Shoonse shakulya nshebataanguna kutebula mucishi isho nshebapa ndime neMwaami Lesa, shilaakuba shaanu. Woonse muntu uli muŋanda yanu uyo usalalite kweelana aMilawo inga walyaako.

Shakubelenga 18:13 ပူးပေါင်းရင်းမြစ်များ

2 Baami 4:42

Lyalo bushiku bumwi musankwa umwi wakaswa kuBaali Shalisha, wakaletela Elisha shinkwa wakalinga makumi obilo wakapangwa abale wakutaanguna mumwaaka uyo. Wakamuletela amitwi ya shili anga ngamaila. Elisha wakaambila musebenshi wakwe ayi ape likoto lya balaluki balye.

2 Makani 31:5

Ingayi bene Isilaeli banyumfwebo shakaamba mwaami, bakaleta nsomo sha shili anga ngamaila, waini, mafuta a olifi, buuci alimwi ashintu shimwi shiswa mumyuunda. Bakaleta ashalikumi sha buboni bwabo boonse.

Kulonga 22:29

“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila. “Mulyeelete kumpa bana banu basankwa bakwiiya.

Kulonga 23:19

“Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Kulonga 34:26

“Lyoonse pamwaaka, mukanooleta shakulya shanu isho nsheenga mwataanguna kutebula kuŋanda ya Mwaami Lesa. “Mutateleki kana ka mpongo mumukupa wa banyina.”

Jelemiya 24:2

Umwi mutaanga wakalinga kucite nkuyu shibotu abuumbi, bweenka mbuli sheshilya shitaanguna kupya. Umwi wakalinga kucite shibiibi cakwaamba ayi inga tashilikwiiwo akulikwa.

Esekelo 44:30

Bapailishi balyeelete kupekwa nsomo shiindaawo kubota alimwi ashipo shipuseneeko shiindaawo kubota. Pakupanga shinkwa, bantu balyeelete kupa bapailishi shinkwa wakutaanguna ayi ncipo. Lyalo ndaakupa maandaabo coolwe.

Osiya 9:10

Mwaami Lesa waamba ayi, “Ndindakacanabo bene Isilaeli, cakaba anga nkucana munyansa utoomena muluyanga. Ndindakabona bamashali babo bakulukulu, cakaba anga nkucana nkuyu shakusoma kucisamu ca nshisho. Sombi ndibakashika kuKalundu ka Baali Peoli, bakatalika kulambila shibumbwabumbwa. Mpeeke bakatalika kunensha bunya anga mbalesa abo beenka mbobakalinga kusuni.

Bene Lefi 22:7

Ono na lisuba lyepila, ulasalala kweelana aMilawo, lyalo inga walya amilambu isalalite ceebo nshakulya shakwe.

Bene Lefi 23:17

Bantu bamuŋanda yomwi balyeelete kuleta shinkwa wobilo akubenga kuli ndime neMwaami Lesa ayi ncipo cakutambeeka. Shinkwa womwi awomwi ulyeelete kupangwa kumakilogilamu obilo a fulaulo usenkene acimena, alimwi akubengwa kuli ndime neMwaami Lesa ayi ncipo ca fulaulo shataanguna kutebulwa.

Mika 7:1

Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.

Dutolonomi 18:4

Mulyeelete kunoobapa shili anga ngamaila shanu shitaanshi kutebulwa, waini utaanshi, mafuta a olifi ataanshi abooya bwa mbelele butaanshi kuceswa

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.