Shakubelenga 16:26 - Baibo Busansulushi Bwa Libuku Ili

²⁶ Mpeeke wakaambila bantu ayi, “Amusoonoke misumba ya bamucita shibi aba! Tamweelete kukumya cintu cabo nabi comwi, mukwiinga amwebo inga mwanyonyweetwa kumwi ceebo ca shibiibi shabo.”

Shakubelenga 16:26 ပူးပေါင်းရင်းမြစ်များ

Matalikilo 19:17

Mpeeke munjelo womwi wakaamba ayi, “Amucice mupuluke! Kutalanga kwisule alimwi kuteemikana muliwesa. Amucicile kutulundu kwaamba ayi mutacaikwi.”

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Shakubelenga 16:25

Mpomunyaawo Mose pantu pomwi abamaloba ba bene Isilaeli bakaya kuli Datani alimwi aAbilamu.

Mateyo 10:14

Na kwabula muntu nabi womwi weenga wamutambula nabi kukutika maswi anu, pakuswaamo mukalipaampe lusuko kushimpanta.

Milimo ya Batumwi 13:51

Mpeeke batumwi bobilo abo bakapampa lusuko kumyeendo yabo, kwaamba ayi cibe citondesho cakukaka kwabo. Lyalo bakaya kuIkoniyamu.

Milimo ya Batumwi 8:20

Sombi Pita wakamukumbula ayi, “Webo fwitabo pantu pomwi amaali ako mukwiinga utooyeeya ayi inga woola cipo cakwe Lesa amaali!

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

1 Timoti 5:22

Utanoofwambaana kubika maansa pamutwi wa muntu kumubenga kumulimo wakwe Lesa ceebo inga wacanika ayi utoosuminisha shibiibi sha bamwi bantu. Kolilama cakubula kampenda.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!