Shakubelenga 16:22 - Baibo Busansulushi Bwa Libuku Ili

²² Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 16:22 ပူးပေါင်းရင်းမြစ်များ

Matalikilo 18:32

Abulaamu wakaamba ayi, “NoBaami baLesa ndaseenga mutakalali njipushe cakweelaako. Ino na kucanikebo bali likumi?” Wakakumbula ayi, “Teshi njinyonyoole na kucanike bali likumi.”

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

Jobo 12:10

Buumi bwa shilengwa shoonse buli mumaansaakwe. Ncakwiila abwalo buumi bwa bantu boonse ngoobucite.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Isaya 57:16

Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.

Jelemiya 32:27

“Nebo ndime Mwaami Lesa, Lesa wa bantu boonse. Taaku cintu cinjumina kucicita.

Jelemiya 38:16

Paceebo ceeco Sedekiya wakanshomesha cakulumbila mubushishi ayi, “Bweenka mbocibete lushinisho ayi Mwaami Lesa ngumuumi uyo wakatupa buumi ubo mbotucite, mbweeke ubo teshi nkakucayeewo nabi kukwaaba mumaansa a baabo batoofwima buumi bwako.”

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Bene Lefi 10:6

Kuswawaawo, Mose wakaambila Aloni alimwi abana bakwe basankwa beetwa ayi Elyasa alimwi aItama ayi, “Mutacileeki kusakula misusu yanu alimwi mutatoleleli kukwamoona shakufwala shanu kwaamba ayi muboneshe ayi mulicite cililo. Na mucite boobo, mutoofwa alimwi Mwaami Lesa inga wakalalila likoto lya bene Isilaeli lyoonse. Sombi bene Isilaelinyinaanu boonse balisuminishitwe kulila palufu lwa baabo Mwaami Lesa mbwaanyonyoola amulilo.

Bene Lefi 4:3

“Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Shakubelenga 14:5

Lyalo Mose aAloni bakafukama cakushisha shiwa panshi kunembo lya bene Isilaeli boonse.

Shakubelenga 16:23

Mpeeke Mwaami Lesa wakaambila Mose ayi,

Shakubelenga 16:4

Ono Mose ndyaakanyumfwa boobo, wakaliwaala panshi akupaila.

Shakubelenga 16:45

“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.

Shakubelenga 27:16

“NoBaami baLesa, nomatalikilo a buumi boonse, ndaseenga ayi musale musankwa uyo weenga watanjilila bantu aba

Bene Loma 5:18

Bweenka mbuli bantu boonse mbobapekwa mulandu ceebo cakubisha kwa muntu womwi, mbweeke ubo bantu boonse bakaangululwa akupekwa buumi ceebo cakwaamba ayi muntu womwi wakacita mulimo ululeme.

1 Bene Kolinto 13:7

Lusuno talulengeshiiwo kuboola pesule. Sombi lulalengesha kushoma, kulangila abushimoyonteeka mumapensho lyoonsebo.

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

Joshuwa 22:18

Sa alimwi mutooyanda kufutatila Mwaami Lesa? Na mumwaashukile sunu, ciilo mabala ulaakunyonyoola bantu bakwe boonse bene Isilaeli.