Shakubelenga 16:17 - Baibo Busansulushi Bwa Libuku Ili

¹⁷ Ono muntu woonse ulyeelete kubwesa cikaye cakwe cakubikawo mulilo, kubikaawo atununkila kabotu pakutenta akutola kucipaililo ca Mwaami Lesa. Webo alimwi aAloni mukabwese shikaye shanu shakubikawo mulilo akushitola kucipaililo.”

Shakubelenga 16:17 ပူးပေါင်းရင်းမြစ်များ

Kulonga 27:3

Ukapange shikaye shakuyolelawo milota, mafosholo, mbale shifongomene, shakusubushako nyama alimwi ashikaye shakubikawo mulilo. Shoonse ishi shilyeelete kuba sha bulonse.

Esekelo 8:11

Kunembo lya nshisho kwakalinga kwiimfwi bamaloba ba bene Isilaeli bali 70, kubikaawo aJaasaniya mwanaakwe Shafani. Womwi awomwi wakalinga kucite cakutentelawo tununkila kabotu mulyaansa lyakwe, kakusuntabo bwiishi bwa tununkila kabotu.

Shakubelenga 16:16

Kuswawaawo Mose wakaambila Kola ayi, “Ciilo, webo alimwi abaabo batookukonkela bali 250 mukese kuTente ya Cipangano. Aloni alakwe ulaakunooliiko.

Shakubelenga 16:18

Aboobo muntu womwi awomwi wakabwesa cikaye cakwe akubikawo mulilo alimwi atununkila kabotu pakutenta. Mpeeke bakeemikana pamulyango wa Tente ya Cipangano apo pakalinga Mose aAloni.

1 Samwelo 12:7

Ono amwiimikane peenka mpomubete, ntoomushinina pameenso akwe Mwaami Lesa kwiinda mukumwiibalusha milimo ya nkusu shiindaawo yoonse Mwaami Lesa njaakacita ayi apulushe ndimwe abamashali banu bakulukulu.