Shakubelenga 15:9 - Baibo Busansulushi Bwa Libuku Ili

⁹ palyeelete kuba amakilogilamu 3 a fulaulo usenkene amalita 2 a mafuta a olifi ayi ncipo ca fulaulo.

Shakubelenga 15:9 ပူးပေါင်းရင်းမြစ်များ

1 Makani 21:23

Alauna wakaambila Defedi ayi, “Ncibotu, nobaami inga mwaciita cili coonse cimusangalasha kubenga kuMwaami Lesa. Abasune mba ba mulambu wakutenta. Ishi shileyi shibebo nkuni awalo witi ngu wakupa cipo kuli Lesa. Ishi shoonse ndamupabo.”

Neyemiya 10:33

KuŊanda yakwe Lesa tunanooleta shintu ishi. Shimaande shisalalite shibikwa patebulu, shipo sha shili anga ngamaila sha bushiku abushiku, milambu yakutenta, shipo sha pabushiku bwakookesha bwa Cibelu, shipo sha pakusekelela Mweenshi Upya, shipo shakusekelela kumwi koonse, shipo shimwi shisalalite, milambu yakulekelela shibiibi sha bene Isilaeli alimwi ashintu shoonse shiyandika muŊanda yakwe Lesa.

Esekelo 42:13

Mpomunyaawo muntu uyo wakandwiita ayi, “Maanda obilo oonse aya alisalalite. Bapailishi abo benjilaamo balalya milambu indaawo kusalala. Ceebo cakwaamba ayi shipinda isho shilisalalite, bapailishi balabikaamo milambu indaawo kusalala. Nkokwaamba ayi balabikaamo shipo sha fulaulo, milambu yakulekelelwa shibiibi alimwi amilambu yakumanisha milandu.

Esekelo 46:11

Panshiku shakusekelela alimwi anshiiku shakusekelela shakasalwa, pamucende womwi awomwi ambelele isankwa yomwi ayomwi balyeelete kwiilikaawo acipo ca malita ali 17.5 a fulaulo. Apalo pamwanaambelele womwi awomwi balyeelete kwiilikaawo amweelo wa shipo uli woonse ngweenga kaasuni. Pacipo comwi acomwi ca fulaulo, balyeelete kwiilikaawo amalita ali 3 a mafuta a olifi.

Esekelo 46:15

Nkokwaamba ayi mbelele, fulaulo amafuta a olifi shinanoobengwa kuli ndime neMwaami Lesa bushiku abushiku macuunsa kwalyoonse alyoonse.”

Esekelo 46:5

Pambelele isankwa yomwi ayomwi ulyeelete kwiilikaawo acipo ca malita ali 17.5 a fulaulo. Apalo pamwanaambelele womwi awomwi ulyeelete kwiilikaawo amweelo wa shipo uli woonse ngweenga kaasuni. Pacipo comwi acomwi ca fulaulo, ulyeelete kwiilikaawo amalita ali 3 a mafuta a olifi.

Esekelo 46:7

Pamucende womwi awomwi ambelele isankwa yomwi ayomwi ulyeelete kwiilikaawo acipo ca malita ali 17.5 a fulaulo. Apalo pamwanaambelele womwi awomwi ulyeelete kwiilikaawo amweelo wa shipo uli woonse ngweenga kaasuni. Pacipo comwi acomwi ca fulaulo, ulyeelete kwiilikaawo amalita ali 3 a mafuta a olifi.

Jowelo 1:9

Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Bene Lefi 14:10

“Lyalo pabushiku bwasanu ashotatwe ulyeelete kuleta mbelele shobilo shisankwa alimwi ayanankashi shoonse shicite mwaaka womwi alimwi shitacite kampenda, pantu pomwi amakilogilamu otatwe a fulaulo usenkene amafuta a olifi ayi cibe ncipo ca fulaulo, alimwi acomwi ca shotatwe sha lita ya mafuta a olifi.

Bene Lefi 6:14

“Iyi njimilawo ya pacipo ca fulaulo. Bana bakwe Aloni bapailishi balaakucipa kunembo lyangu neMwaami Lesa nkokwaamba ayi kunembo lya cipaililo.

Bene Lefi 7:37

Anu iyi njemilawo ya pamilambu yakutenta, cipo ca fulaulo, milambu yakulekelelwa shibiibi, milambu yakumana milandu, milambu yakubika bantu pabupailishi alimwi amilambu ya bwanabwankashi.

Shakubelenga 15:10

Ulyeelete kubikaawo amalita 2 a waini ayi ncipo ca cakunwa. Bweema bwa mulambu uyu bulansangalasha nebo neMwaami Lesa.

Shakubelenga 15:8

Ono na ngumucende wabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila nabi mulambu wa bwanabwankashi,

Shakubelenga 28:12

Mucende womwi awomwi ulyeelete kubengwa pantu pomwi amakilogilamu otatwe a fulaulo upelekete usenkene amafuta a olifi ayi ncipo ca fulaulo. Yalo mbelele isankwa yomwi ayomwi ilyeelete kubengwa pantu pomwi amakilogilamu obilo a fulaulo upelekete usenkene a mafuta a olifi.

Shakubelenga 28:14

Balyeelete kupa shipo sha cakunwa pantu pomwi acifubwa comwi acomwi. Nkokwaamba ayi pamucende womwi awomwi malita a waini obilo, pambelele isankwa yomwi ayomwi lita yomwi amusa, apalo pamwanaambelele womwi awomwi nilita yomwi. Uyu ngumulasho pamulambu wakutenta wa pabushiku butaanshi bwa mweenshi mumwaaka woonse.

Shakubelenga 29:6

Anu ishi shoonse nshakwiilikabo pamulambu wakutenta ubengwa pabushiku butaanshi bwa mweenshi, pantu pomwi acipo ca shili anga ngamaila ca nguwo. Shilyeelete kwiilika apamulambu wakutenta wa pabushiku abushiku pantu pomwi acipo ca fulaulo aca cakunwa ca nguwo, bweema bunsangalasha neMwaami Lesa.

1 Samwelo 1:24

Lyalo ndyaakamulesha, wakamutola kuShilo. Wakatolelela amucende wa myaaka yotatwe, makilogilamu ali 10 a fulaulo, alimwi ankomwe ya cipaya keeswite waini. Wakatola Samwelo kuŊanda yakwe Lesa muShilo kaacili mwanike abuumbi.