Shakubelenga 15:35 - Baibo Busansulushi Bwa Libuku Ili

³⁵ Lyalo Mwaami Lesa wakaambila Mose ayi, “Muntu uyo ulyeelete kucaikwa. Bene Isilaeli boonse balyeelete kumucaya kumabwe pansengwe lya misumba.”

Shakubelenga 15:35 ပူးပေါင်းရင်းမြစ်များ

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Bene Lefi 20:2

“Lwiita bene Isilaeli ayi uyo woonse wa mulikoto lyanu, nabi muswamashi ushiite pakati kanu, weenga wabenga mwanaakwe uli woonse mukulambila lesa wiitwa ayi Moleki, bantu bene Isilaeli balyeelete kumucaya kumabwe.

Bene Lefi 20:27

“Musankwa uli woonse nabi mwanakashi waamba amishimu ya bafu ulyeelete kucaikwa kumabwe. Muntu woonse weenga wacita boobo, lufu lwakwe ndwakuliletela mwiine.”

Bene Lefi 24:23

Mose ndyaakamana kulwiita boobo bene Isilaeli, musankwa uyo bakamutola pansengwe lya misumba akumucaya kumabwe. Munshila iyi bakacita kweelana aMwaami Lesa mbwaakaambila Mose.

Shakubelenga 15:36

Aboobo bene Isilaeli boonse bakamukusha pansengwe lya misumba akumucaya kumabwe, kweelana aMwaami Lesa mbwaakaambila Mose.

Luka 4:29

Mpeeke banyamuka akutaanya Jesu kumukusha mundabala ilya, kuswawaawo bakamutola peculu lya kalundu pakalinga kuyakitwe ndabala yabo, kabasuni kwaamba ayi bamuwaale panshi.

Milimo ya Batumwi 7:58

Kuswawaawo bakamukwelela pansengwe lya ndabala inene akumuuma mabwe. Mpeeke bakamboni bakapa shakufwala shabo sha peculu kumusankwa wacanike wiitwa ayi Saulo ayi abalamineeko.

Dutolonomi 21:21

Mpomunyaawo basankwa boonse ba mundabala iyo balyeelete kumucaya kumabwe. Munshila iyi mulaakukusha bubi ubu pakati ka bene Isilaeli. Mpeeke bantu boonse balaakunyumfwa cikani ico akuloonda abuumbi.