Shakubelenga 15:3 - Baibo Busansulushi Bwa Libuku Ili

³ mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 15:3 ပူးပေါင်းရင်းမြစ်များ

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Esila 7:17

“Ulyeelete kusebensesha kabotu maali aya kuula bacende, mbelele shisankwa, baana ba mbelele basankwa, pantu pomwi ashipo sha nshisho sha shili anga ngamaila asha shakunwa akushibenga pacipaililo ca kuŊanda yakwe Lesa kuJelusalemu.

Kulumbaisha 54:6

Lyalo ndaakubenga mulambu wakulyaaba kuli ndimwe. Ndaakulumbaisha liina lyanu mukwiinga muli babotu.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Kulonga 29:25

Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.

Kulonga 29:41

Alakwe mwanaambelele umwi ukamubenge macolesha akutenta fulaulo, mafuta a olifi alimwi awaini. Shoonse shikanokweelene bweenka mbuli sha macuunsa ayi ncipo ca shakulya kuli ndime neMwaami Lesa. Bweema bwa nshisho bulansangalasha.

Bene Lefi 10:13

Munoocilita mumusena usalalite mukwiinga ici ncecipansha canu abana banu basankwa kuswa kucipo ca shakulya. Anu Mwaami Lesa mbwaandwiita ubo.

Bene Lefi 27:2

“Lwiita bene Isilaeli ayi na muntu wabengwa kuli ndime neMwaami Lesa ceebo mbwaakashomesha cakulumbila, muntu uyo inga waangululwabo na walipila maali kweelana aayo akasuminishikwa.

Bene Lefi 7:16

“Ono na muntu umwi waleta mulambu wa bwanabwankashi ceebo wakashomesha cakulumbila kucita boobo nabi kwiinda mukuyanda kwakwe mwiine, nyama ilaakulikwa pabushiku bweenka mbowabengwa. Sombi na yacaalaawo, ilakonsha kulikwa bushiku buboolaawo.

Shakubelenga 28:27

Bakabenge mulambu wakutenta ayi mbweema bunsangalasha neMwaami Lesa nkokwaamba ayi bacende baana bobilo, mbelele isankwa alimwi abana ba mbelele bosanwe abobilo bacite mwaaka womwi.

Shakubelenga 29:8

Bakabenge mucende mwaana, mbelele isankwa alimwi abana ba mbelele basankwa bali bosanwe abobilo bacite mwaaka womwi. Shoonse ishi tasheelete kuba akampenda. Uyu ngumulambu wakutenta, bweema bunsangalasha neMwaami Lesa.

Shakubelenga 6:15

Ulyeelete kubenga amutaanga wa cimaande, shimaande shakapangwa kufulaulo upelekete usenkene amafuta a olifi, shimaande shipampamene shakananikwa mafuta a olifi kwiilikaawo acipo ca fulaulo alimwi aca cakunwa.

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

2 Bene Kolinto 2:15

Ceebo swebo tuli anga mbweema bwa tununkila kabotu pakutenta uto Jesu Klistu ntwaabenga kuli Lesa. Bweema ubo bwanyumfwika kubaabo beshi bakapulushikwe abaabo batoosowekwa.

2 Bene Kolinto 2:16

Kubaabo batoosoweka, bweema ubo mbwalufu. Sombi kubaabo beshi bakapulushikwe, mbubotu alimwi bulaleta buumi. Ono ngani weelete kucita mulimo wa mushobo uyu?

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:17

Ono shoonse nsheenga mwapa Mwaami Lesa tasheelete kulikwa mumisena umo mweshi mukanookala. Nabi shalikumi shanu sha shili anga ngamaila, waini, mafuta a olifi, baana bakwiiya ba ŋombe ambelele, shipo shakulyaaba, shipo nshemushomesha cakulumbila kupa Mwaami Lesa alimwi ashipo shimwi shoonse.

Dutolonomi 12:6

Kumusena uyo weenka nkweshi mukanoopeta milambu yakutenta amilambu imwibo, pantu pomwi acalikumi, shipo nshemushomesha cakulumbila kupa Mwaami Lesa, cipo cakulyaaba alimwi abaana bakwiiya ba ŋombe ambelele.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.